Atulio Kawlram Buainak Hi Ichawnhbiaknak In An Kalpi Aherh

Nikum Kawlram thimnak adih tlompal ahkhan USDP le Ralkap nih UEC sinah thimnak hi adik lonak hmun tampi aum, Cucaah hi a diklonak hmun hna hi nan zoh than ahau tiah an lungtlin lonak report an tuah, Hi an lungtlinlonak report hi, UEC nih zei ah an relpiak hna loh, Hi ruang ahhin Ralkap pawl hi an thin ahung i, aherh ahcun aa naa kan ting lai tiah SG Min Aung Hlaing nih ahun chimnak hi asi, Thimnak kong he pehtlaih in UEC adonghnak an statement zoh tikah Mipi duh thimnak hi kan upat ding asi,’ adikmi thimnak asi an ti, Atu thil asining ah cun Ralkap nih thimnak cheukhat ah adik lo an ti, UEC nih adik an ti ve i, ‘mahka zawn te ahhin boruak ahun sang khunnak hi asi,

Apoi khunnak cu, nikum Kawlram thimnak kha, kan zoh tikah Covid-19 ruang ah thimnak adik maw? diklo tiah angiatthlaitu ram dangmi Kawlram ah an lut khawh hna loh, ram chung zong ah thimnak adik le diklo angiathlaitu bu rinhtlakmi an um hoi loh, Cuhlan thimnak lio ahkhan cun, thimnak adik maw?duklo tiah angaithlaitu asiloah adothletu ramdangmi tampi Kawlram ah anrak lut tikah. ‘hihna pawl hmuhning hi vawlei pi zong nih theihpi le pomhpi an si, Chim duhmi cu atutan thimnak hi, ramleng in angiatlaitu Kawlram anlut khawhlo caah le ramchung in angiathlaitu rintlakbu an um lo caah, UEC nih thimnak hi adik dih ko an timi hi, pom dih-awk attha loh, Hika zawn ahhin Kawlram politics adothlet mi le thimnak angaithlai mi upa hna aw-an ngai tikah hmunhma cheukhat ahcun thimnak hi adik hrimhrim lo an ti cio ve, Thimnak adiklo ruangah NLD nih atei tinak khi cu asi lo, NLD nih atei timi cu cohlan dih asi ko,Amah belte hmunhma tampi ah adiklo ning in thil ankalpi ve ti hi mi tampi ruahning cu asi,

Zei ava si zongah atutan SG Min Aung Hlaing nih aa-naa kating lai ,ati mi nih zapi ahun kan lau ter cio, Aa-naa ngaingai cu ating lailoh,’tihi ka ruahning asi,1962 kum ah Ne Win nih aa naa ating i, can saupi tiang a control khawh, 1988 kum ah aa naa ating tthan i, can sau ngai tiang a control khawh rih, Kha lio caan kha kan zoh ahcun cold war arak dih rih lo caah vawlleicung democracy thlihran nihhin Kawlram hi fak ngaiin arak hranh kho rih loh, Atu ahcun cold war adih cang, Democracy tilet nih vawleicung akhuh dih cang, Cucaah democracy phung hi ka hrawh lai i, ralkap uknak in kan uk lai,’anti ahcun lilet athomi ka khamh lai tibantuk he khin ai lo caah zeitikhmanh ah akhamh khawh lailoh,

Tahchunnak ah, aa naa hi ting in ralkap uknak in kan uk tthan seh law,’ cuhlan aa naa arak ting lio bantuk kha an si ti lailo, Rammi hna hi, thih ngamin an col teh lai, Vawleicung ram tampi hna nih sattil kawmchung hren bantuk in anhren rih lai ,Atulio ahawikawm tthabik asimi India hmanh nih adir pi duh lailoh, Kawl ralkap cu chim lo super power aneihmi China hmanh hi atulio ‘China south sea’ buainak ruangah vawlei pi nih an kulh i, sattil kawmchung hren mi bantuk dirhmun aphak deng cang, Khatlei ah atulio hi ICJ ah sual phot lio asi rih caah aa naa hi, ting sehlaw cakei ka a vapurh chinnak tu asi lai, Cucaah ralkap nihhin ahnu ahmai zoh in zei thil dah acang khawh tihi an tuak dih ko i, Aa naa ngaingai hi cu an ting ngam lailoh, ‘ ti hi ka ruahnak asi,

Thil asikhawhmi belte cu, ralkap nihhin NLD hi aphunphun in an lam aphit teh men hna lai? Culawng si loin 2008 phunghram remhnak ah siseh, remdainak kongah siseh, ralkap nih hin lampi abit terchin sual lai ti hi cu phang aum ngai ko, Cucaah atutan buainak hi ralkap,UEC le NLD hi tha tein chawhbiaknak neih khawh hna sehlaw atthabik mi lampi cu asi, ichawhbiaknak um loin nang na palh kei ka dik tiin, an ingiar peng ahcun arallai mi kanram politics hi atluang hrimhrim lai lo,

Tuzing NCA minthut bu hna KNU /RCSS le adang dang hriamtlaibu hna aw-an ngai tikah, nang napalh kei ka dik i ti loin, tha tein ichawnhbiaknak hi, tuah hna sehlaw atthabik tiah an hun chim ve cio, Atulio buainak in chuahkhawh nakding lampi cu ichawnhbiak hi a thabik mi asi ti hi kapom ning asi,By-Van Neih Thang

Be the first to comment

Leave a Reply

Your email address will not be published.


*