Atu lio kan ram ah a cangmi thlen khawhnak PSYCHOLOGY mit in hun cuan ta hna usih.

Cognitive Theory  Cognitive triangle: Thoughs, Behavior, Feelings Psychologist Albert Ellis nih cun kan ruahnak (though), kan ziaza (behavior) le lungputning (feeling) hi aa pehtlaimi le rian a ttuantimi an si, a ti. Cun mah pathum lakah pakhat hi kan thlen a si ahcun a dang pahnih zong aa thleng a ti. Chim duhnak cu; Na ruahnak kha a ttha leiin na thlen sicun, na lungput zong a ttha lei in aa thleng ve lai i cun na umtu ziaza zong a ttha lei in aa thleng ve lai. Asilole na ziaza kha na thlen sicun na lungput le na ruahnak zong aa thleng ve lai. Cu bantuk tthiamtthiam in na lungputning na thlen sicun na ruahnak le na ziaza zong aa thleng ve lai. Cu tikah a hun i thleng tthan dingmi cu; Na tuahsernak (action) kha a si.

Hi cognitive theory hi atu lio kan ram i a cangmi kong ah hman awk a ttha ngai tiah ka ruah. Kan Chin ram chung i a ummi ralkap, palek le CDM a tuah duh lomi tibantuk pawl hna hi; An ruahnak, an lungput asilole an ziaza; hi hna pathum lakah pakhat hi kan thlen khawh hna a si ahcun kan hlawhtlinnak a bawm ngaingai tu a si lai. Tahchunnak ah; An ruahnak kha a ttha lei in kan thlen hna sicun an lungput le ziaza zong a ttha lei ah aa thleng ve lai. Cutin kanmah mipi cung i an tuahsernak zong kha a ttha lei in aa thleng ve hnga. Zeitin an ruahnak, lungput asilole ziaza hi kan thlen hna ning a si lai, tibel fakpi in ruah le kawl a hau ve hnga. CDM a tuah duh lomi hna khi lenkai awk a tthami cu lenkai hna i biaruah hna ah a ttha ngai hnga.

Atu lio ah ralkap pawl nih mipi thlen an kan timhmi cu kan Ā«Feeling/emotionĀ» hi a si. Cucaah kan ttih dingmi thil phunphun an tuah. Mi ttha lo an kan thlah hnawh, hriamnam an hman, mi an tlaih hna i a cheu an thah hna. Mipi nih kan ttih hna sehlaw teinak kan hmuh lai tiah an ruahmi hi kan tei kho hna lai lo, asilole kan thi ve sual lai tiah ruahnak ngei hna seh, cun an ziaza i thleng sehlaw teima kho hna hlah seh ti kha an duh. Cucaah kan ttihnak ding lam phunkip an kawlnak le an tuahnak hi a si. Hi zawn ah a biapi ngaimi cu; Kan ruahnak, lungput le ziaza hi pakhat hmanh kan i thlenter hna lo a herh.Credit-Roro Fambawl

Be the first to comment

Leave a Reply

Your email address will not be published.


*