Atu khi CNF nih ralkap kap hna sehlaw zeibantuk thatnak dah a chuahpi lai?

Atu khi CNF nih ralkap kap hna sehlaw zeibantuk thatnak dah a chuahpi lai? CNF le tlangmi meithal lawng in ralkap kan tei kho lai maw? Laimi nih zeitluk in dah ral hma kan tuar lai? Minung pazei zat dah an kan thah lai i an kan hrem hnga?

Meithal in kan ral kah cu kan duh dih, nain a thatnak le a chiatnak cuaithlai hmasa a hau. CNF ah a puitlingmi hruaitu tha tampi kan ngei, kan miphun caah a tha bik in khua an khan peng ko timi philh hlah u sih.

Ka chim tawn bang, Kawlrawn khuapi ah Kawlmi meithal an i tlaih hlan lo cu kanmah meithal puah awk a si rih lo, Kawlmi loin kanmah lawng cun kan tei kho lai lo, kan puah zong ah kanmah ca lehlam a fak lai. Chikhat thilinh ruang men ah a puitlingmi CNF nih meithal an puah lai lo.Credit-Salai Lungthli Tum

Zahan tihni ka catialmi kong ah a lungrawkmi nan tampi lai, aka mawhchiatmi zong tampi nan si lai. Nan mawh bak lo, lamzawh lutlai pakhat a sining ka langhter tikah tutan dothlennak tha a pe lomi ka lo men ko lai.

Nain, keimah lei kap ka lungput vun langhter than ka duh. Kei dirhmun cu ralkap lawng si loin tihnung misual poahpoah doh a herh tiah ka ruah. Lam zawh lutlai a si ruang men ah midang kan in thah lai tiah ‘death threat’ peknak nawl a ngei tinak si lo. ‘Death threat’ hmanh a pe ngammi cu ralkap tluk in a lungput tihnung ve tiah kei nih cun ka ruah.

Sullam um lo ngai in keimah kha ‘ralkap thawgpetu na si, kan in thah lai’ tiah death threat aka pek, mah tiang kha cu leh ka rak tim lo, nain lunghrinh ruang menmen ah tet-te zeihmanh um loin nutung unau pahnih cu ‘dalan nan si’ tiah sual a phawt rih hna. Cu biavaivuan a zummi mino cheukhat nih bawmhtu ngeilo nutung a inn zohchia tuk in an den piak. Thinphang vansang in an um. An puhmi sualnak an tuah taktak lo ah teh?

Kei ralkap dalan ka si lo buin ‘na si’ tiah voi hnih tiang an nolhmi kha hmuh khawh a si. Nutung unau pahnih zong an tuar ve cang.

Ralkap misual kan doh hna, nain a dohtu kanmah lakah thil diklo a tuahtu minung cu phuan le doh a herh ve tiah ka ruah. Cu caah ah death threat aka petu Salai Tluangte(Salai Nun Hlawnceu) kha ka phuan nak a si. A tialtu amah a si timi cu lamzawh hruaitu ka hawi pakhat nih aka chimh hlei ah evidence tampi ka ngah hnu ah ka fehtermi a si, 100% a fiang.

Ka catialmi ah personal kong tam ngai ka tial chihmi belte kha zoh ai dawhmi si lo, a puitlingmi lungput a si lo timi ka palhnak ka cohlang ve. Nain, death threat aka petu pa a sining ka phuan kha cu a dikmi a si, ka phuan awk hrimhrim a si ko tiah ka ruah.

Be the first to comment

Leave a Reply

Your email address will not be published.


*