Atu bantuk caan ah hin Thantlang, Halkha, Falam le Kalaymyo ti bantuk pawl ah CNA/F politic kong va tuah kho uhlaw zarhkhat chung hmanhah minung a thong in an lung nan laak khawh men hna hnga.

Rawtchom buin ttuantermi ralkap nih cun meithal i tlaih bu zongin nunnak thap in raltuk an ngamh theng lai loh, asinain Ralkap uknak ttha lo sining ai fiang cangmi tu hna nih cun chai le ttolhttang lawng hmanh in nunnak thaap in hriamnam phun tling in a khatmi ralkap kha an doh ngam ko hna. Kalaymyo khua chung thil cangmi hmuh tikah zeitluk in dah an ral a tthat i Ralkap uknak an huat timi a lang. Rangoon le khua dangdang zongah Generation Z pawl zeitluk in dah an ral a tthat hna timi hmuh khawh an si hna.

Zeithil poh khi anmah le tik cuucaan an ngei cio hna. CNA/F zong nih 88 lio kum chung chim loin kum 30 leng kai chungah minung pa zeizat dah an lung an laak khawh hna in  anmah le lungtho tein an ralkap ah an canter khawh hna? Atu bantuk kan ton liomi caan khi CNF/A le Tlangcung hriamtlai pawl caah cun caan ttha asi. Rawt chom hau loin kut karo le chai lawng hmanh in Ralkap ado i nunnak a thaap ngammi mino tampi an thi a linh lio asi.

Minung hi kanmah nih kan tonmi thil poh a biapibik ah a ruatmi phun kan si, i cu kan tonmi harnak chung cun ruahchannak kan kawl cio. Atulio Kawlram cu khuapi kip ah protest le i dokalh in khuaci kan muih liopi asi tikah hi bantuk caan ko ah hin CNA/F lei in mipi sin ah ruahchannak ngeihter kho  hna sehlaw caan raulo teah a sangsang(thongthong) ah an karh colh ko hnga.

Hi ti sawh in kan khul a nuar thai sual ahcun ramchung mipi an thisa a daih hnu ahcun tu hnu kum 30 zongah kanmah kel te si khawh rih kan si. Atu kan chan cu social media chan asi tikah thawng thanh le mi sawm zong a fawi khun. “ We support CDM and you”re welcome from CNA/F” ti bantuk te zongin tampi ca thlah le phawtzamh khawh ahcun mipi zong nih ruahchannak an ngei deuh lai i an in bochan deuh ving hna lai.

Atu bantuk caan ah hin Thantlang, Halkha, Falam le Kalaymyo ti bantuk pawl ah CNA/F politic kong va tuah kho uhlaw zarhkhat chung hmanhah minung a thong in an lung nan laak khawh men hna hnga. Atu bantuk in kan ram uknak le sining ai fiang cangmi hna mino sinah tampi tuanbia le thuhla zong chim a hau ti loh, anmah nih an i fiang cia tuk cangmi asi ko caah CNA/F an in bochan khawh nakhnga ruahchannak va ngeihter hna uhlaw cu ti cun nan milu zongin nan karh deuh lai i nan thazaang zong a tthawng chin thluahmah ko lai.Credit-Salai Cbt Zaathang

Be the first to comment

Leave a Reply

Your email address will not be published.


*