ASEAN Lutlai (2) le Min Aung Hliang Tonak Ah Ceihmi Point 6

ASEAN Lutlai pahnih, Chairman le Secretary cu nihin ah khan Napyitaw a ton biaruahnak an ngei cang hna. Kawlram dirhmun kong he pehtlai in ASEAN palai pahnih Kawlram ah an rak tlun hi a si i Min Aung Hliang he tlamtling ngai in tonnak an ngei kho hna.

Nihin tonnak ah a biapibik in thil (6) kong an chim tiah VOA nih a tarlangh. An i ceih mi thil point (6) zoh tikah Kawlram mipi leirawinak le NUG Cozah thlaknak kong lawngte a si, zeitin dah Kawlram mipi Min Aung Hliang nih hlen an kan timh timi zong a lang ngai ngai.

(1) NUG le CRPH cu Ralhrang phu an si caah phungning tein ralhrang phu an sinak kan phuan cang. Cun NUG le CHRPH ralhrang phu hna cawlcanghnak ruang ah Kawlram hmunkip ah mithah Lainawnnak, thilri hrawhnak le rampi hrawhnak an tuah cuahmah.

(2) Kum 2020 November thimnak ah NLD nih Mee an fir, a dik lo ning in rampi thimnak result an tuah. Cu kong cu Ralkap nih kan dohhlat, kan check cuahmah i a dik lomi tamtuk hmuh a si timi pawl Min Aung Hliang nih a chim rih.

(3) Rampi a daih bak in rampi huap election kan tuah lai. Thimnak kan tuah lai i phungning tein teinak a hmu mi party nih Cozah an ttuan ko lai.

(4) Cun ram mipi harnak a tong mi hna Ti le rawl, eidin pawl bomhnak (Humanitarian assistance) kong ah Myanmar (Ralkap) le ASEAN i bomh ding kong

(5) ASEAN ram dihlak fek tein cawlcangh, dirkamh le karhlan ti a herh nak pawl kong

(6) Tulio Myanmar rampi nih a tuar cuahmah mi Covid-19 zawtnak kong, zeitin dah tawlrel ning ti bantuk hna an si.

A cung point (6) langhter mi hi Min Aung Hliang chim mi le ASEAN leader pawl he an i ceih mi asi tiah VOA nih a langhter. ASEAN nih Myanmar mipi dirkamh loin Ralhrang a dirkamh timi cu a fiang chin lengmang cang. Atu an i ceih mi pawl hi Myanmar mipi thluak lehthalnak, hlen khawhnak lam kawl bantuk a si cang. Kawlpa nih comment a pek mi ahcun “ASEAN Uico pahnih le Kawl Uico an i tong” tiah thinhung ngai in comment a pek.Credit zei paoh hi zothiam

Be the first to comment

Leave a Reply

Your email address will not be published.


*