Apoi tuk hrinhrang ee.Kalaymyo Ah Fapawi Lio Mi Nu Mawtaw Pahnak In Nunnak Liam

Kalaymyo Sanmyo veng ah nizaan June 14 zaanlei ah, nau zundawn le herhhai cawk ah akal i,a tinlei ah mawtaw pahnak in sii-inn ah a nunnak liam.

Hi thil a cannak hi naupawi mi Pi Lun Boih cu a nu he hngakchia thil an caw i a nu cu an inn ah a va thlah hnu a tinlei ah mawtaw nih a pah hi asi.

Naupawi mi nu hi a nicaan a nai cang a rauh hlan ah a then ding asi,sii-inn an phanh pi tikah a pum chung i a ummi nau a nunnak liam cang.Hngakchia an tawlrel lio caan ah anu zong a nunnak a rak liam cang,Pi Lun Boih cu nauthen dingin timhlamh nak ngeihlio caan ah tu bantukin a nunnak a liam hi asi.Hi a pah tu mawtaw hi a zaam i a tutiang an tlai/thei kho rih lo.The Chin Post

Adang relthan:Chin ramkulh fimthiamnak zung caah kuatmi sianginn hmanawk cauk mei khanghmi ah CDF he aa pehtlai lo

2021 June thla zarkhat nak ah Chin ramkulh fimthiamnak zung caah ralhrang nih kuatmi sianginn hman awk textbooks hna cu Kangaw le Hakha karah hriamtlai phu nih an khangh tiah nizaan June 13 ah ralhrang thawngzamhnak nih an langhter hnu ah Chinland Defense Force lei in tuanvo ngei pakhat nih hi kongah kanmah he kan i pehtlai lo tiah a chim.

“Mah thawngpang hi kan hmuh,asinain kanmah CDF kan si lo,kan i pehtlai bak lo” tiah a chim.

Hakha pengkomh fimthiamnak zung in KG in Grade 4 tiang sianginn hmanawk cauk textbooks 127797 an rak kuatmi mawtaw ngan pahnih in Kangaw le Hakha karah ah hriamtlai cheukhat nih an dirter hna i mah mawtaw nih a rak phurh mi textbooks cu lamkam ah an chiah hnu ah mawtaw cu an kirter hna tiah June 13 ah ralhrang lei thawngzamhnak nih an langhter tiah Chin World nih a langhter.

Be the first to comment

Leave a Reply

Your email address will not be published.


*