Anih cu, ‘Chin miphun’ a si ruang ah ‘a hrut lai, a hrang lai’ ti khi ‘prejudice’ a si.

PREJUDICE Anih cu, ‘Chin miphun’ a si ruang ah ‘a hrut lai, a hrang lai’ ti khi ‘prejudice’ a si. Chinmi si ruang ah cop le cilh in ‘a hrut le a hrang’ ti cu, ruang diklo le chirhchan palh hirhiar a si.

‘CNN’ Journalist Ward cu, ‘Kawl ralkap’ nih Myanmar ram ah luh an sianh caah, ‘Kawl ralkap ttanh in’ thawng a chim te lai ti khi ‘prejudice’ cu a si. ‘CNN’ in a si caah ‘bias’ a ngei hrim lai ti zong ‘prejudice’ a si.

‘Kawl ralkap nih tangka tom in an cheh lai le a ttanh hna lai’ ti bantuk phun bia zong tehte um lo in, chim ci a si lo; cu bantuk bia cu, kan thluak ah a umcia mi ruahnak, kan mit in kan va hmuh taktak lomi thil phun khi si kaw, kan background in ruahcia kongkau kan i lakmi nih mi a hlen tawn, kanmah le mah lila a kan hlen tawn.

CNN journalist Ward i aa ngeihmi professional ethics le a luancia experience vialte kha kan hei hngalh lo mi a si ko lai. Kan i ngeihcia ruahnak (hlen a hmangmi) khin midang kan zohbelh hna tik ah, ‘bia ngai le bia dik’ kan nganh tawn ko lai. Cucu, kan minung sinak man a si ahcun, ‘biatak’ kan ttanh khawh lai ka zum lo.

‘Prejudice’ in kan community le Khrihfabu chung ah kan i hmuh tik ah, i rem khawh a si lo. Thinlung ah hliamnak le fahnak a umter. Thil pakhat a sining tak le midang a sining tak hngalfiang lo in, fawite in kan zohbelh colh mi hna hi, a ding lomi a si.Credit-Salai B Chan Khar

Be the first to comment

Leave a Reply

Your email address will not be published.


*