An thih hmanh ah an ruak lak a tong ti lomi SAC ralkap

CDM a lut duh lomi le SAC ralkap lei tang pawl a nung rihmi na si cun na lungfim tuk ding si. A caan a um rih.

Atu tiang na lung naa thleh hlei lo i Ming Aung Hlaing lei na tan ko rih cun na thih lai i na ruak ho nih a char te lai? Ruak humh tu hmanh na ngei te lai lo hi ruat!

Atu ah zeidah an cang na thei ko lo maw?SAC ralkap thimi pawl cu an ruak hmanh an la duh ti tung hna lo. Ui le ar thih hmanh an tluk ti hna lo.

Nai ah Kaya ram ah SAC ralhrang a thimi hna an ruak pawl cu an hawile hmanh nih an lak duh ti hna lo nithum chung an lak hna lo caah mipi ralkap KNDF nih an ruak pawl cu nihin ah mei in an khangh hna hi a si.

May 31 ah khan SAC ralhrang le KNDF cu Kayah ram Demasu ah fak ngai in an i kaap. SAC Ralhrang lei nih hriamnam ngan an hman cunglei raltuknak vanlong zong an hman nain KNDF lei nih ralhrang 80 tluk an thah thiamthiam hna. Na nun rih ah cun tha tein ruat. SAC lei na tan ko rih cun na ruak char na ton ve te lai lo kha.Rf. Iirawaddy.Crd-Tluang Ceu Thang

Pumpak pakhat lawng in zeithil hmenh hi a tling kho hrim hrim lo.Miphun le Ram rian hrim hi cu pumpak pakhat lawng in tuan awk a tha hrim hrim lo. Cu caah tha tein Miphun Aiawh in dirh cang mi bu an um ko i cu hna sin ahcun thazaang chuah i Miphun le ram rian ah kan i tel ding a si ti hi kum 16 Ka rak si lio in ka kal pi mi le ka dirpi mi a si.

Biak nak hi cu pumpak in tuah khawh mi a si i zumhnak zong hi pumpak in tuah khawh mi a si ko. A si khrihfa bu hruai nak cu pumpak lawng in tuah khawh mi le tuan khawh mi an si lo.

Chin Miphun kan thazaang a der tawn nak le kan i funtom khawh tawn lo nak, a ruang bik cu Biak nak lei kan hruaitu hna hi a bik in nan si zungzal ko.

Mino hna nan lung I rual uh, Mino hna Miphun le Ram rian ah thazaang chuah uh, Mino hna kan in upat hna, tiah Mino pawl sin ah chim Peng a si nain upa vialte le hruaitu vialte rak i then cheu peng ve!By-Salai Ceu

Be the first to comment

Leave a Reply

Your email address will not be published.


*