An ruak zong Uico nih a ei .Kayah ram cu kan theih bantuk in tulio Kawlram buainak ah a linsat bik nak hmun a si.

An ruak zong Uico nih a ei .Kayah ram cu kan theih bantuk in tulio Kawlram buainak ah a linsat bik nak hmun a si. Mipi lei zong tampi an thi. PDF le anmah hriamtlai phu i bawm in Ralhrang le Palik sakhan tampi an lak lengah ralhrang lei hrimhrim tamtuk te an thah hna.

Cu ti ralhrang lei tamtuk an thih i an sakhan zong lak a si tikah heh tiah hriamnam ngan miakpi hmang in mipi kah an tong. An inn le an lo tampi ralhrang nih an hrawh piak hna. An biakinn zong an kah piak hna.

Abik in Demosu khuapi cu mipi um ngam ding si a lo caah an zam dih ngawt. Cu ti mipi an zam hnu ah ralhrang pawl cu khua chung ah duhpoh in thilsual an tuah. An hmuhmi poh an kah that hna.

Cheukhat ramlak zam a duh lomi le inn le lo kaltak a duh lomi pawl cu thah an tong. Cun mi cheu ramlak a zam nain inn le lo siaherh ah khuachung ka tlung ta lai a timi pawl zong an kir ti lo.

Nai ah Demosu khua chung a lutmi mipi lei nih an chim nak ah khua chung cu a thu theng rim a khat an ti. Mi ruak hrim a tam. Uico hna nih mi ruak an ei. Mipi lei theih lo ralhrang lei si theih lo a ho an si hmanh an thei hna lo.

Cu thil ruang ah cun an thinlung an kuai ngaingai. Hihi kanmah Kaya PDF le Hriamtlai palh zong a si lo. Mipi palh zong a si lo. Kanmah cio palh a si tiah an ti. Atu lio Kaya an dirhmun cu tih nung taktak a si.

Hi thil hi Laimi zong nih fim kan i lak nak ah cang seh. Zam a herh cun zam tlik a herh cun tlik i doh a herh cun doh ding le kan Upa hruaitu hna bia hi kan zulh cio ding si. Atu Kaya mipi a thimi tam deuh hi hawi thut dirnak a zul lomi mi lung puam deuh an si.
Credit-Tluang Ceu Thang

Be the first to comment

Leave a Reply

Your email address will not be published.


*