Ahnu bik President Trump biatawi chim mi (special request)a awlcem ning in lehmi

Ka hawikom American mipi hna, nihin ah nan sin ah chim ka duh mi aum. Karak chimcia bang kan hnu zarh Capital ii hnahnawh /buainak thil cang mi nih America ramchungmipi millons hna le ramkhel tu political a kaphnih hna zong thitha lotaktak in an thin a tuk hna i a diklomi thil cung ah ttihphan nak achuak.

A piatte in, kan chimh hna. Thahrum chuah in faktuk in zaangen nak hna hi sual ka phot ko hna. Thahrumchuah in Faktuk in zaangen tei nak le mithil le vantlang thilri hrawhhral piak nak hna nih hi ram chung ah hmun an ngei lo.kan cawlcangh nakah hmun an ngei lo . “America ram lianngan terthan nak “ timihi Ram ruunveng tu le phungbia sermi ningte in azul zungzal tu le kan police/ ralkap vialte anu apa in a tanh zungzal tu le Kan ram chankhat hnu chankhat kan tuanbia ro biathli kengtu le kan man a cawisang tu asi. Uk khawhlomi bu misual pawl(mob) i thaahrum chuah cawlcangh nak hi, kan zumh ning le kan dirpi mi poh a dohtu an si.

Aka tanhtu diktak hna nih cun ramkhel nak ah thahrumthawh an dirkamh lo, kan nawlngei tu police hna le America taantaar a tihzah lo tu ansi lo, an pawngkam mipi hna zeirello tuk in an nehsawh hna lo…kha bantuk mi kha nasi ah cun kan cawlcanghnak (movement) chung mi na si lo. Kan ram a doh tu na si i kan i inntuar khawh mi thil asi lo.

Ngaihchia/lungkuai ngai in, kan hnu kum chungah Covid-19 ruangah thil vialte ahar ter dih, ramkhel nak lei ah zaangen nak cu tlaihkhip khawhlo in a phua in avun i phua. Nan hmuh cio bang hnahnawh buai nak chuahter tu mibupi, ukkhawhlo misual bu pawl, pawngkam mi thihphaih i thinphang thlalau ternak atamtuk, vantlang le mithil hrawhral le tihchiat piak nak vialte hna hi dongdih cangseh.

America cu Phung le lam ningin hruai le uk mi ram asi. Na duh ah vorh lei, keh lei, Democratic maw Republican zong va si ko, thahrum chuah zangen nak cu silhnalh piak khawhlo mi asi i pom khawhlo mi asi caah thiamco ter nak a um lai lo. Aho nan si hmanh ah kan hnu zarh thil ah aa tel mi hna cu phung ningte in kalpi an si lai.

Atu kan hal duh mi hna cu hi kan agenda a zum minih cun kan ruahnak kan i rengh tuk mi vialte hi dawrter in zaangdam ter ding le kan thinhun nak alinsa tukmi hi daih ter hna usih.kan ram caah daihnak a karh tertu si i zuam hna usih..

Report ka don ning ah cun tuhnu ni tlawmpal ah Washington DC khua le kan rampumpi hmun kakip ah mipi nih duhlonak langhter i lamzawh nak a dang umthan ding ti asi. Hrocer nak le buai nak umdawh asi tiah U.S secret service nih ralrinbia zong anka chimh.

America ram chung ah a hopoh hi nan aw theihter nak nawlnan ngei dih i cucu upat awk tlak te in le daite in theih ter nak tuah dingmi kha a si. Amah belte cu thahrum thawh zangen buai nak, phung ninglo in cawlcangh nak, mi thilri hrawhhral piaknak le thildangdang zong a um lai lo ti cu kachim kho lo. Aho poh phung ning te in , chimh ngai te in le police nawlngei tu hna nih tuah uh an ti ningte in zulh piak ding asi lai.

Federal Agency pawl zong kha tha te in order chuah ningin an um khawh nak ding ah aherh ningpoh in thilri hman khawh nak nawl ka pek cang hna. Daite le him tein thil i hlan nak ( transition) kan tuah khawh nak hnga ding ah akan vengtu ding ah National Guards ralkap a thongthong in kan chiah cang hna. Kan hnuzarh i Capital i zatlak puicimh nak cu nanmah tluk te in ka lau ve i ka ngaih zong achia taktak ko.

American mipi millions tluk tam mi mitha taktak pawl hna, nan thin nan i sum khawh mi cungah le dai te le nemte le in hi thil nan inn i nan lehkhawh mi cungah lomh nak bia chim ka duh. Hibantuk i zuamcawh nak can harsa hi cuhlan ah kan pah khawh tawn bang, kan paltlang khawh hrimhrim ko lai.

Adang chimthan ka duh mi cu tu lio ah nan hmuh cio bang a umbal bal lo mi i thuat nak/phomh cu mivialte nih zalong te in biachim khawh nak nawl kan kan ngeih mi (freedom of speech) cung ah atlung. Khurkhuaruah nak arengh apit tuk lio le chimpit vansang tuk lio caan ah (bigtech) pawl nih an zuam cuahmah mi, ngiatthlai nak ,mi cancel nak, mi black-list( hnawlmi ) i chiah nak nan ramchung nan unau cung ah nan tuah mi cu nan palh bak i tihnung taktak mi zong nan si..

Atu lio ah kan herh bikmi cu pakhat le pakhat bia i ngaih piak, pakhat le pakhat i phih piak asi loh. Ahopoh kan thilti ning cio in rank ngeimi nak in sangdeuh in ithim khawh nak le aarual te in i thok khawh nak kawl in kan tiltikhawh nak cio hi unau tingzo te in kan ai hrawm ding kan si.

Kan zoh/ruah deuh ding or kan mit a cungah kan chiah deuh ding mi cu khuaruahar thil asi mi vaccine (kakuai sii) hna hi kan ram pumpi ah hin zeitindah kan i phawtzamh/ sem darh lai le zeitindah kan i thatpi lai ti te hna, padamic atuar mi hna rawl/eidin vapek vabomh nak tehna, chawleh chawhrawl nak zeitindah kan thok or hma kan lak lai titehna le kan ram pumpi a him nak dingcaah i runven nak hna hi an si deuh, cun kan phunglam pi hi dirkamh cawisang hna usih.

Nihinni ah America minung vialte kan kawh auh hna tulio thil kal mi tei tu siding in le American minung vialte pumkhat ah i funtom hna usih. Atha mi i funtom/pumkhat sinak in kan mahle kan chungkhar le cio caah le kan veng/sang cio le, kan rampi caah hmailei ah fong chinchin ding in i thim hna usih. Kaa lawm,Pathian nih thlawchcuah in pe seh,Pathian nih America thlawchuah nak pe ko seh.President Donald J. Trump.
Credit-Van Suithazing Hlichaal

Be the first to comment

Leave a Reply

Your email address will not be published.


*