Aduh nih phai kohnaseh mu, kan mitmu le kan buhbel caah rian ațuan mi CNF/A, fanau lehna,Nilin chosang le, furțhal ruahtiang Siaruah tuar in natuar.

Ruah riangmang kandai kho hnga maw? CHIN ARMY.Aduh nih phai kohnaseh mu, kan mitmu le kan buhbel caah rian ațuan mi CNF/A, fanau lehna,Nilin chosang le, furțhal ruahtiang Siaruah tuar in natuar.  Fikfa thohmui lakah, vokpi bang leiceet le tilu lakah salnun cawngin tei nanrial nak cungah,chin miphun nih Upat hmaizah nak kan inpek hna.

Sihmanh sehlaw, mitcaw kekiak rualnih, Nankong ceih in maipum saam bang nan lingvaang an in thleh cikcek tawn hna. Khuarin thei in Sunghno chuanrawl le, ruun replo te chumtual khuachuah hauhnar donglung pher cung țhut tiangkhan thinlung mitthlam ah cuangin nanngai hringhran kolai mu!

Pasal nusal tiin, pipuro simi lai ram le laimiphun ruat in, thisen thlanti thap in nan hmuitinh rian nanțuan nak cungah thlithiang le tithiang nih zuldawi in Zingnu nih, thluachuah vanluh nakle ngandam nak he lam inhruai ko hnaseh. Nanțuan ți pasal țha hnanih tlai nibang liam in,parbang uai zawn ahkhin, fakkhun tuar in nilethla nanrel veko lai muu!

Apoilo thih lethih nunlenun tiin tei nanmaak nak cung ah cung Pathian caanrel ni atlin zawn ahkhin azawn naruah mi laimiphun hawi hna he, vabawi hmul le,cawngnak puan he, khuadei fingreicah arkhuan bang luatnak daar nantum telai ee,Vanbawi thawngțha phuan nak le, athangțhat nak hladawh sain, lennak lairam ahring cang lai.Credit-August Hrang Hching
Video-https://www.facebook.com/watch/?v=317069562862296

Be the first to comment

Leave a Reply

Your email address will not be published.


*