Abikin kan innpa tlangcung hriamtlai AA bantuk he khin riantuanti thiam a hau

Kawl ralkap he idoh thawk asi cang. Laitlang ah uknak a thlen lo ahcun ikahnak mei hi fawi ah a mit kho lo men. Caansau ikahnak a chuah kho men.

Chin miphun hriamtlai dothlennak caah isersiamnak caah caantha bik asi ti khawh asi. Kan kiangkam tlangcung hriamtlai hna he neihniam tein pehtlaihnak tha ngeih ding hi atu bantuk caan ah abiapi khun mi asi.

Abikin kan innpa tlangcung hriamtlai AA bantuk he khin riantuanti thiam a hau. Kawl ralkap he an ituknak i an hmuhtonmi pawl tampi an sin in theihhngalhnak kau a kan pek khawh. Cun an hriamnam hman mi pawl abikin remote control in bom an puah khawh mi thiamnak pawl khi ilak khawh ahcun Laitlang a rak kaimi Kawl ralkap motor pawl cu vutcam ah an i cang ve lai. “Kawl ralkap hmai ah kai ngam loin tuahnak caah a thabik cu mah bom puah thiam hi asi” tiin Paletwah ramri um nih a ka chimh bal.

Cun an mah he riantuantinak thawngin methal an laknak lam in methal le kuan tampi lak khawh asi kho ve. Methal ngeih lawngin a za lo, kuan duh paoh in hman khawh nak tiang tuah khawh lawngah raldoh tikah teinak hmuh khawh asi. Kawl ralkap he kum hnih chung an ikahnak ah hriamnam le methal kuan pawl semrel hau loin an hman khawh. Mah methal le kuan an laknak lam hi Chin miphun dothlennak caah lam asi kho ve.

AA hruaitu General Tun Myat Naing hi mi lungthin tluang asi. Khuaruahnak kaupi a ngeimi asi. Pa men lo asi–a fit taktak mi asi. Cun tlangcung miphun kongah zawnruahnak le siaherhnak nganpi a ngeimi asi. Cun kan ral zong a khat tikah raltuknak kongah tanti khawh lonak ding a lam ka hmu lo.
Credit-Salai Z T Lian

Chin Ramkulh Hluttaw Palai Salai Myo Htaih Hringtu a Pa a Nunnak a Liam.2020 Thimnak ah Chin ramkulh Paletwa peng, Pyine (1) mehmun ah teinak a hmumi NLD palai Salai U Myo Htaih i hringtu a pa Pu Peng Sawng (kum 79) cu an umnak Sami khua ah April 8 ah a nunnak a liam, tiah thawng kan theih.

Pu Peng Sawng ruak cu April 10 ah khan an vui. MP Salai Myo Htaih hi hmun dang ah a zaam lio a si caah a pa ruakhumhnak ah aa tel kho lo.

April thla ah a nunnak a liam cang nain Sami lei Phone le Internet pehtlaihnak a har caah Sami upa pakhat Matupi a phak hnu ah thawng a vun kan thanh i atu ah kan rak langhter vemi a si.The Chin Journal
May 4, Yangon

Be the first to comment

Leave a Reply

Your email address will not be published.


*