AA, TNLA, MNDAA nih palik sakhan an lak

Kawlram chak lei hriamtlai unau rual AA (Rakhine)le TNLA (Ta’ang) le MNDAA (Kokant) nih Shan ram Lasio khuapi chung ummi palik sakhan cu nihin zing suimilam 5 tluk ah an kah.

Mah hriamtlai hna hi Northern Alliance kan timi Mahamik phu kha an si. Cu hlan zongah hmunkhat ah ral an do ti pah tawn.

MAH ralkap nih uknak an lak hnu zongah hmunkhat ral doh ti ding an ti ko nain nihin zing bantuk cun an cawlcang bal rih lo.

Mah an kahmi palik sakhan cu Mandalay le Lasio hlatnak cozah lampi cung ummi Yekin a si. Cu ti an kah le cang ka in ralkap pawl nih heh tiah hriamnam le vanlong Jet hmang in an lehrulh hna.

Nihin zing an i kahnak ah a thimi le hma a pumi zong an um len nain a zat theih khawh a si rih lo. Zing suimilam 8 tiang Palik sakhan cu mei a kang ko tiah khuami pakhat nih a chim.CreditTluang Ceu Thang

Kan mifim pawl nih an kan leirawi.Uknak chuttu ralkap nih ser mi Thantlang Township Adminstration Council ah Khuanu/pa aiawh in Pu Cung Cem ai tel.

Pu Cung Cem hi Pyidawngsu Ni (Ramkomh Ni), Chin Miphun Ni ah ralkap nih ser tharmi council hna he caan an hmangti. Cun, ralkap nih ser tharmi Council nih meeting auhmi zong a kai lengmang.

Hi kong he pehtlai in amah an hal tikah “A tutiang cu riankhanhnak ca an ka pe rih lo” tiah a chim. Nain, pumpak konglam (Curriculum Vitae) tu cu ralkap cozah sinah a ap diam cang tiah theih a si. Credit-Thantlang Dalan Phonak

Be the first to comment

Leave a Reply

Your email address will not be published.


*