A tulio Malaysia um Chin ralzam nih kan herh ngaimi cu ralzam UNHCR ah register tuah rih lomi hna hi a rannak in register tuah hna sehlaw a tha.

A tulio Malaysia um Chin ralzam nih kan herh ngaimi cu ralzam UNHCR ah register tuah rih lomi hna hi a rannak in register tuah hna sehlaw a tha. Cun, thongtla zong hi UNHCR nih a si khawh chung zoh kho cang hna sehlaw a tha. Kawlram ah kuat loin UN nih lak ding in tawlrel sehlaw a tha.

A ruang cu Kawlram hi a buai tuk caah thongtla kuat lai phan a um. UN Card/ catlap ngei lo tlaihkhihnak in himnak ding caah a rannak in register hi usa van pe hna sehlaw ka duh.

Hihi Malaysia Chin ralzam community le CHRO nih a si khawh chung in Geneva Headquater tiang ah kan chim piak ulaw a tha.

Cun, Australia, Denmark, Norway hna zong nih Chin ralzam a thar in an kan lak khawh thannak lai biatak tein kan zuam piak uh. A rauh hlan ah New Delhi ah Chin ralzam tampi an phan te lai.Credit-Andrew Tum Tling

Adangrelthan:Kachin ah KIA le Myanmar Ralkap Kahdohnak a Fah Chin caah Khuami 200 Hrawng Ralzam Dirhmun in an Um.Myitgyina ah Myanmar ralkap le palik nih lamzawhtu mino 2 an kah hna hnu ah KIA nih Myanmar ralkap sakhaan pakhat an rak luh hnawh i, cu caan thawk cun kap hnih karlak kahdohnak a hun fak chin thluahmah.

N’Jayan khua ah a chuakmi kahdohnak ruang ah khuami 200 hrawng nih an innlo an chuahtak i ralzam dirhmun in an um hna.

KIA le Myanmar ralkap abikin an i kahnak hmun hi Myitsone cunglei Kwetaung khuate le Tanbaungyan khuate kiangkap ah hin a si i, nizan March 15 thawk in atu tiang an i kap.

Innlo a chuahtakmi ralzam pawl ca ah Word Food Program (WFP) nih tirawl lei in bawmhnak pek ding in timhtuahnak a ngei.Credit-The Chin Journal March 16, Yangon(Myanmar Now)

Be the first to comment

Leave a Reply

Your email address will not be published.


*