A Tulio Kan Ram Boruak Van Ruahah Hincun Lung Adong Ko

A Tulio Kan Ram Boruak Van Ruahah Hincun Lung Adong Ko.Min Aung Hlaing ralhrang ruangah kan Mino hna nunnak a liam cuahmah! Ralzaam nih kan karh chinchin. Khua a chuahtak mi kan tam cang!

Kan mino hna nih an dawtmi Chungkhar, Nu le Pa, U le Nau kaltak in kan ram niceu thar ruahchan nak he an nunnak thaap tiang ralhrang an do cuahmah! Kan Mino nunnak zeizat dah aliam rih lai ti ruahah lung adong!

Cozah rian tlaimi nih CDM tuah ruangah tlaihkhih mi an tam. Rian phuah ruangah mi cheukhat cu lungzawtnak in damlo an karh! Pawcawmnak kongah zingzaan ei awk lungrethei kan tam.

Covid ruangah kan Pastor te le Mino tampi nih an kan liamtaak! Zawtnak le a karh chin thluahmah! lung adong.

Lung adongh cuahmah lioah Kan Mino hna nih Laimeithal le Lithal te i tlaih in, “Kan Tai hlaanlo kan doh lai, Niceuthar kan hmuh hlanlo kan doh lai” timi au-aw ka van theih ahcun lung adongmi vialte an tlau dih i, ruahchannak le thazaang thar he chun-ni ka tla lengmang tthan.

Kan Mino hriamtlai mi vialte kan Pathian nih A Vanmi ralkapbu he nan hnu, nan hmai le nan keh/vorh in inkilveng hram ko hna seh.Credit-Salai Unity Hram

Be the first to comment

Leave a Reply

Your email address will not be published.


*