A tu Miss Myanmar kan cawi san mi nak in tha deuh in tah kan Cawi sang ve hnga maw?

Miss Myanmar le Chin miphun.Chin mi nih Miss Myanmar kan cawi san mi a tha tuk ka ti. Cawisan awk tlak zong cu a si tak tak ko. A ruang cu kan Chin thil thuam vawlei pi theih in a kan hmuh sak piak ca ah a si. A phu bak ko.

Khua ka ruat ve mi pa khat cu hi hi a si. Kan Chin mi chung in mithatnak pakhat khat nih hei hmuh ve hna seh law atu miss Myanmar kan conghlawmh bantuk in kan cawnghlawm ve hnga maw ti mi biahalnak hi ruah lo awk a ttha lo mi a si.

A tu Miss Myanmar kan cawi san mi nak in tha deuh in tah kan Cawi sang ve hnga maw? Hi ti ka ti tik ah Miss Myanmar hi Chin mi nih kan cawi san ding asi lo ka ti duh nak a si lo. Kan cawi san ding a si ko.

Kei cu a tu Miss Myanmar nak in cawisan deuh tuk ding le thang that tuk ding a si ti hi ka bialeh nak a si. Careltu nangtah zeitin na ruah ve?

Mi phun dang hmanh hi tluk in kan cawisan hna ah cun kan Chin miphun chin chin hi cu a tu nak mak deuh in kan cawisan deuh ding le thangthat deuh ding asi lo maw?

CAWISAN AWK TLAK CAWISAN Mah le mah zei a rel set lomi miphun, miphun dang ahleihluat in zohsan a hmangmi miphun si cu kan tefa caah ka duhpiak hna lo.

Laimi si ruangah niam deuh, miphun dang si ruang ah san deuh timi lungput cu sal lungput a si, minung cio kan si, hrinnak ah kan i rual; Pathian sermi ciocio kan si ti hi kei ka pomning a si.

Cawisan awk a tlakmi paoh cawisan cu kan nunzia ah a ttha tuk teh. Kan Laimi zawn bel ah i soisel ah cun kan khul a rang ngai lio ah cawisan awk tlak cawisan bel kan chambau deuh ko rua.

Kei ka mit ahcun cawisan awk tlak i ka ruahmi hna lak ah vawleipi pommi medical doctor tehna, nurse tehna, lawyer tehna le thiamsang dangdang kan miphun hmai a hngaltertu pawl khi an i tel. Hi bantuk minung pawl hi cawisan kan daithlang deuh rua; kan daithlang man nih a hun chuahpi khawhmi thil an um. Cucu anmah bantuk si ve duhnak thinlung kha kan tefa mit le thinlung a luh a har kho; zeidang thil pumrua dawh lei le hlasak lei phun tu an lung a lut deuh men lai. Hihi an nu le pa tuahsernak phichuak a si kan ti khawh lai. Kan miphun a tenau timi lungput kha kan i hngalh lo kar ah a ronhtu kan si men lai.Credit-Salai B Chan Khar

Be the first to comment

Leave a Reply

Your email address will not be published.


*