A Thi tiah an Ruahmi Chin Tlangval Nihin ah Nungdam in a Luat

Yangon, Tamwe lamzawhnak ah meithal kahnak in a nunnak a liam tiah a chungkhar nih an ruahmi Mang Suan Khai cu nihin chun sml. 11:00 ah nungdam tein a luat, tiah chungkhar nih an chim.

Hringtu a pa nih, “Nihin sml. 11:00 hrawng ah dam tein inn ah a rak phan. Kan i lawm tuk ning hi kan chim kho lo. Tlaih a ton hnu ah sizung le palik sakhaan ah kan kawl i kan hmuh lo tik ah a thi tiah kan rak ruah. Innsein thonginn in nihin ah minung 700 hrawng an thlah hna i kan fapa zong aa tel ve,” tiah a chim.

Mang Suan Khai hi a thi tiah an rak ruah i March 7 ah khan ruak um lo buin Khrihfa phung ning in ruakhumh tthutpinak zong an inn ah an rak tuah.

Lamzawhnak ah ralkap nih meithal in an rak kah hna i, Mang Suan Khai hi a phei ah an rak khen. Cu dih cun ralkap nih an kalpi i ralkap sizung ah an rak thlop. An thlop dih in Insein thonginn ah an kuat tthan hi a si.
By-The Chin Journal March 24, Yangon
(Chin World)

Adang relthan:CRC: Mitlau kan ngei!!Zaangtlang khuami Pu Lian Peng le Pi Khuang Doi ii an fapa, Pa Van Biak Thang (Kum 28) cu a umnak Jalan Loke Yew in thla hnih chung (January 2021) thokin inn a hlam ti lo ii a umnak theih a si lo caah chungkhar le khuami lungre thei ngai in an um.

A thawngpang a theimi le a umnak a theimi nih zaangfahnak tein a tanglei phone number hna ah thawng na kan thanh naklai zaangfah kan in nawl hna.CRC:03-28581919 Chungkhar.017-3594641, 011-21369606.Credit-CRC Malaysia

Be the first to comment

Leave a Reply

Your email address will not be published.


*