A Ra Lai Mi Kum 2 Chungah Thimnak Ka tuah Lai- Min Aung Hlaing

Ralhrang an lubik Gen. Min Aung Hlaing nih a ra lai mi kum 2 chungah democracy phungning tein thimnak ka tuah lai i nawlngeihnak ka pek than lai tiah Russian Media pakhat Russian 24 he biaruahnak ah achim

“Emergency caan a dih i, tuah kan timh mi pawl kan lim tikah democracy phung ning tein thimnak kan tuah lai ka rak ti cang bantukin ka tuah hrimhrim lai. Amah belte cu kan ramchung ah daihnak a um ta hmasa a herh” tiah a ti.

Atu kan ram dirhmun zoh ah za ah za daihnak a um rih lo caah thimnak tuah ding cu a tuan tuk rih. Nain tuhnu kum 1-2 ahcun a ngah men ko lai tiin Min Aung Hlaing nih a chim.

2008 phunghrampi part 11, pohmah 45 emergency thanhnak kongah NDSC nih Pyidawngsuh hluttaw caan dih hnu ah Army Chief nih a timhmi a dih rih lo ahcun voi 1 ah thla 6, voi 2 tiang chap khawh a si. TRN04
The Chin Post

Adang relthan:Pule Ah Ralhrang Mawtaw Bomb Nih A Puah Hnawh, A Thimi An Tam.Sagaing ramthen Pule peng ah June 26, chunlai 12:00pm hrawngah ralhrang mawtaw pahnih cu Yinmabin PDF nih nih an chiahmi bomb nih a puahhnawh i a thimi an tam ngai tiah theih a si. Ralhrang a thimi hna ruak cu an hawilei nih Faw mawtaw in lak hna tiah Yinmabin PDF upa pakhat nih a chim.

June 26 ah Gangaw lei in a rak rami ralhrang mawtaw 20 hrawng cu Pule peng i khuate pakhat pawngah PDF nih an chiahmi bomb an pal/rial caah atu bantuk in mawtaw hi fak ngai in a puah hnawh hi a si.

“A lang lawngin kan hei zoh khawh rih caah a thimi zat kan thei kho rih lo. Ralhrang lei an thi len ti cu a fiang ko. An ruak cu Faw mawtaw in an phurh. Cun ralhrang nih an kah ruangah mi sawhsaw pakhat hliam a tuar i a zual ngai, cucu kan lungre a thei. PDF lei cu a thimi kan um lo” tiah Yinmabin PDF upa pakhat nih a chim.Khit Thit MediaThe Chin Post

Be the first to comment

Leave a Reply

Your email address will not be published.


*