A luacia zarh thum chung cu COVID-19 in ka zaw ve. Tlangval te tiah ka cei ngai ve. Ka taksa a lin.

Ka hnar in rim ka thei lo. Ka eimi rawl a thawtnam zong ka thei lo. Ka khuh Ka khuh tuknak ah ka keng tiang faak viar.Ka khuasik i ka ruhkhua faak. Nithum chung tho kho lo in ihkhum cung ah khua ka sa. Ka tha zong a dih ngai.

Ka dam deuh cang tiah kan hnu zarh ah kaa test mi result tuni ah a chuak. Local clinic nih “negative” na si cang ee tiah thawng an ka thanh cu kaa lawmh tuk ah umzia ka thiam lo. Ka damlonak in thazaang ka laakmi te hrawmh ve kan duh hna.

Thil hmete ah kan rak ruahmi le Pathian sin ah lawmhnak chim awk zong ah kan rak ruah theng lo mi kan hnar in rim thawthaw kan theih khawhmi hna hi a sunglawimi Bawipa thluachuah an rak si.

Kan kaa arak thawtmi le kan eimi rawl a thawtnak (taste) kan rak theih khawhmi hna zong hi a sunglawi tukmi Bawipa thluachuah an rak si.

Zaan kan ih tikah mitkuu thaw tein kan rak i hngilh khawhmi le dam tein a thaizing niceu dawh kan hmuh/phak khawhmi hna zong hi a sunglawi tukmi Bawipa thluachuah an rak si.

Kan zun kan rak zun khawhmi le kan dailen khawhmi te hna zong hi a sunglawi tukmi Bawipa thluachuah an rak si i, Bawipa sin ah lawmhnak kan chim awk an rak si.

Rian ṭuan awk kan ngeihmi le kan ngeihmi rian dam tein kan ṭuan khawhmi hna zong hi a sunglawi tukmi Bawipa thluachuah an rak si.

Ka dam lo chung ah ka hawi le nih meaningful personal message tete an ka kuatmi nih thazang a ka pek taktak. Mi pakhat an dam lo ti thawng kan theih tikah personal message tete kan rak kuatmi hna hi an caah thazang ṭha tuk pei an rak si hi ti zong ka fiang fawn.

Bawipa sin ah lawmhnak rak chim ding a tam ning hi tampi a ka fianter. Cun, Bawipa sin ah lawmhnak chim hi zumtu kan rian nganbik si ko ti ka fiang i, thil hme tete tiang in Bawipa sin ah rak i lawmh khawh le daithlang lo in a sin ah lawmhnak chim peng hi a biapi tuk ti ka fiang.By the way, Ka damlo chung ah kapa ka ngai tuk le hman ka van thlakpi ta ko hih.Credit-Van Neih Bik

Be the first to comment

Leave a Reply

Your email address will not be published.


*