A hma sa bik ah kan Biak mi Pathian a min Thiang thang tthat in um ko seh

A hma sa bik ah kan Biak mi Pathian a min Thiang thang tthat in um ko seh, kum 2020 lio caan ah khan kum hramthok in dam lo nak fakpi ka cung ii a rak tlun lio ah khan nun beidong le van sang au in kum 1 chung pi cu Sizung le inn hlet in caan ka rak hmang,

Caan tampi ah cun Bawipa sin ah ka nun nak hi zei tik ah dah a dinh cg lai ti in thih nak hngak in ka rak um caan zong a rak tlawm hrimhrim lo, sihmenh seh seh law Bawipa nih na caan a zaa rih lo a ka ti ca ah ka nun nak cu him te in a ka ven ii ka dam lo thawng a ka thei mi poah nih Pathian sin ah thlazaa nan ka cam piak cio nak thawng le chaw vaa in nan rak ka bomh nak thawng in, dam lei te ah ka hung cang.

Christmas zong dam deuh te in ka van phan kho ii kalawm tuk hring hren, a min zong ka theih bal lo mi a mui zong ka hmuh bal lo mi nih ph an rak ka chonh ii X’mas laksawng Cake chang laksawng pek kan duh na um nak na rak ka chim kho hnga maw tiah ph an kan chonh ii kan chimh le kanpa nih inn hmai in a va don le a mah cu inn cung kai ti lo in Chang cu kanpa nih a van luhpi ii kan i lawm tuk ii Bawipa sin ah lomh bia kan chim.

Cun kum thar cu kan van phan tthan ii kachuah ni zong a si ca ah Bawipa sin ah lomh nak kan chim tthan hna.America ii a um mi kanpa a rian ttuan nak Tuluk khrihfabu a si ve mi Pastor pa nih Sui na chuah ni ah Birthday Cake kan tuah piak lai ii thla kan campiak lai ti ii Bawipa sin ah thluachuah a ka hal piak,

Hi thil vialte hna hi minung lei kam ii phorhlawt nak in ka chim mi si lo in Bawipa nih a kadawt nak Chirstmas le kumthar ka chuah ni ah ka ton mi te kha hromh ve ka hon in duh mi hna cu a si,.Zei dah a lawh hnga le zei tin dah a um tu ning a si hnga tiah hmuh a ka duh mi zong nan rak um lai ti zong ka ruah ca ah hman thlak te zong ka van tar chih mi hi a si,

Chawva in siseh, thlacam nak in siseh, thazaangpek nak in siseh, a rak kan daw tu nan dih lak cung ah lunglomh nak chimcawk lo kan nei ii Bawipa nih thluachuah nak tu in pe chin cio ko hna seh.

Kum 2021 nih a kan phurh mi thluchuah vial te kan dih lak cung ah phan ko sehlaw,kan Bawipa tu nih sunpar nak co dih ko seh, Amen.Credit-Ma Sui Hlawnching

Be the first to comment

Leave a Reply

Your email address will not be published.


*