2021 January 9:30 update news Falam ah inn 6 a kaang, tarnu pahnih an thi, thilri sing 80 leng man a ciam

Falam khua, January 12 zinglei suimilaam 4:10 hrawng ah Falam Lamtonnak ah inn 6 a kaang i kumkhua upa tarnu pahnih a kanghchih hna, thilri sing 850,000 man hrawng a ciam, tiah kan theih.

Athote inn inn dah a kaang ti le minung zeizat set dah an thi ti hi kan hlat lio a si. Atu tiang ahcun kum 69 nu, Pastor zong a rak tuan bal mi le hnachet mi nu pakhat a kanghchih hna. Zeitin mei aa thok i kangh ti hi kan hlat lio a si. Zinglei 4:10 hrawng ah a kaang i 5:30 hrawng ah mei kan thah khawh. Thilri a ciam mi hi kanmah nih kan tuak ning ahcun tangka sing 850,000 man hrawng a si,โ€ tiah Falam Pengkomh (Khayaing) lutlia Pu Ca Zung Mang nih The Hakha Times ah a chim.

Hi kong ah Falam Peng Meithat Zung lutlai phone kan chawnh nain damlonak ruang ah sii-inn ah a um lio a si i kan pehtlai kho lo. 2021 kum January thla chung ah atu hi a voi hnihnak inn kangh a can hi a si. Hakha Khuathar zong ah 2021 January 9, zaan 11:00 hrawng ah inn 3 a kaang i Seven Star kedan dawr ngeitu U Than Wai zong a kanghchih tiah, tiah kan theih.Biakilh: Credit pe loin copy paste kan sianglo.Credit The Hakha Times
Photo: The Hakha Post

Be the first to comment

Leave a Reply

Your email address will not be published.


*