2020 Kan ram thimnak i CNLD a sunghnak a ruang ka Hmuhning

Tutan thimnak ah Chin ram in Kawl party nga pahnih le Chin party nga 1 le hrinphun aiawh party 3,4 tiah i cuh asi i cu lak ahcun NLD nih 97% teinak a hmuh. Hi thimnak ah ngeihchia chawva le fthiamnak thazang umek chuah in kan miphun le ram caah tiah pum aa pe i Palai aa cuhmi nan zapi cungah upatnak kan pek hna.

Thimnak ah teinak a hmutu hna nan dihlak kan lawmhpi hna i kum 5 chung miphun le ram ca nan tuanding rian le nan saduhthah cu Pathian nih in tlinter piak ko hnaseh. Thimnak ah teinak a hmu rihlo mi hna zong nih hmailei teinak a hmu khoding nan si nakhnga fakdeuh in nan i zuamthannak cung Pathian nih nan saduhthah tlinter hram koseh.Tutan thimnak ah CNLD nih kan sunghnak a ruang ka zoh lengmang tikah point out ka tuahmi tlawmpal ka facebook ka hawi le ka hun in hrawmh hna.

Tutan thimnak ah field cultu (abik in khuate lei) upa nih hmin lakin CNLD policy nan fah kholo. Aruang cu tutan NLD a tanh mihna khi kum 35 cunglei minung deuh ansi tikah khi hna nih NLD an hngalhbik micu ASSK amin le apa AS kong tuata,2008 Phunghram an remh lai.Ralkap a dotu ansi.tibantuk asi tikah NLD nih khakha cantha lak in teinak caah an hman.

Tutan thimnak ah CNLD policy kha khuate mipi sinah tlenglak in nan chimh kho hnalo. Bianaah CNLD cu NLD dotu le khamtu ah ruah asi tikah “NLD khi kan do lah, cozah sernak ah i bawmh ding in kanduh, kan mah tinco ding palai te cu kanmah nih lak in tanti ah kan miphun le ram caah a him biklai, kan chungkhar nawlngeitu silo in kan chungkhar caah hawikawmtha asi kanduh” tbk.

Tutan thimnak ah CNLD kan upa le nih khuate lei vote le zeizat dah kan hmuh khawh lai timi tuakdamhnak ah nan chambau. Bianaah Hnaring , Tlangpi, Surkhua tbk.voters zeizat dah ansi i zeizat kan hmuh dah a herh i a kan vote tuding hi zeitlukdah ansi i a kan support tuhna mino pawl hi vote a pe khomi ansi maw silo tbk.

CNF(A silo in) he miphun rian tuanti ding in nan saduhthah vialte hmin lakin nan tuah khawhlo caah CNF nih CNLD a dirpi ning a maw i mipi nih CNLD cungah zumhngamhnak a tlawm. Biana ah a khua politics meen le a tlang politics menmen ah a holh duh lomi CNF pawl kha fianghlang in an lungput mipi nih hngal hna seh law, CNF ansi ah CNLD ana siah miphun rian aa biatak mi nan sinak kha langseh tbk.

Cucahcun tutan CNLD kan sungh hi NLD nih veilo in an kan chehkanh timi le mipi nih an fianglo, upa san kan tlaihlo caah thlen kan herh timi tiang long silo in kanmah ah zeidah kan chambau tikha tuakthan in leaders reform nak cun planning and strategies thlen atha deuhlai tiah karuah.
Credit-Peng Hlawnceu

Be the first to comment

Leave a Reply

Your email address will not be published.


*