2020 Election lai ah Chin Miphun aiawh in Chin party caah Campaign a rak tuah mi hna kan Chin Mino pawl an riantuan nak le an colcangh nak ka rak pom lo.

Thazaang pek ding le pek lo ding.Burmaram 2020 Election lai ah Chin Party cu Ka dirpi Chin Party kan dirpi lo ahcun, Chin Miphun nih zeitik hmenh ah Pathian nih a kan pek mi kan Miphun hna le kan Ram hna hi kan mah tein, khuakhan lairel nak kan nei kho lai lo cu caah Chin Party cu kan dirpi ding kan tuan pi hna ding a si ka ti.

2020 Election a phanh lai hrawng ah Campaign an tuah tik ah Mino lawngte khua te he khuapi he an kal ter hna. Chin Mino hna am colcangh nak le Election caah Campaign an tuah ning ka zoh tik ah ka pom hna lo. Chin mi Aiawh Party in zeitin hmenh in teinak an hmu kho lai lo ka rak ti hna. Cu lawng si hlah Uite Lo kal an lo te sual lai ka rak ti rih hna.

2020 Election lai ah Chin Miphun aiawh in Chin party caah Campaign a rak tuah mi hna kan Chin Mino pawl an riantuan nak le an colcangh nak ka rak pom lo. 2020 thimnak ah kan tling taktak lo kan sung taktak ko.

2020 thimnak a dih hnu in Nihin tiang thimnak ruang ah Ram pumpi in a buai i Miphun ning in kan colcangh cio hna. Chin Mino hna zong an thazaang chuah sawhsawh si lo in an nun nak hrim hrim kan Miphun le kan ram caah an thap.

Kan thazaang cu kan chuah i kan ba tuk kan ti a si ahcun i dinh khawh a si i kan thazaang zong i tharchuak khawh than a si ko. A si nain nun nak thap cu kan nun nak a dih hnu ahcun khrih than khawh a si ti lo.

Cu caah Nihin kan Chin Mino hna nih an nun nak an thap mi hi kan duh zong ah kan dirpi hna a hau i kan pom lo kan duh lo ti zong ah a si thiam lo mi dirhmun kan phanh caah kan dirpi hna i kan tuan pi hna i thazaang kan pek hna ding a si.

Nihin tiang kan Mino hna nih Miphun le ram caah nun nak a pe mi an tlawm ti lo. Hmailei ah kan ram Uk nak a that tik ah Nihin Mino hna hi kan ram sersiam tu ding le thancho ter tu ding an si hna. A si nain Nihin ahcun kan ram Uk nak that khawh nak ding ca tu ah an nunnak an thap hi a si.

Ramchung ram leng Chin Miphun kan dihlak nih dirpi hna uh sih law, teinak an hmuh tiang tuan pi hna uh sih! Credit-Salai Ceu

Be the first to comment

Leave a Reply

Your email address will not be published.


*