2020 ah cun ramdang in a pemmi hna lak zawng ah Trump a vote dingmi an karh ngai lai tiah an zumh.

Donald Trump le Khrihfa Lamtluan.America ram an rak dirh ding hi phundang te a si ve. Khrihfa hremnak le Europe ram ah Khrihfa le cozah nih an nawlngeihnak nicanglo tuk in anhman caah Khrihfa zalonnak a um khawh nak hnga Pentecost ni ah Jerusalem khuapi ah thiang thlarau a rak hngakmi hna milu zat dengmang minung 102 nih Christopher John tilawng cu an rak i hlan i North America ah um thai ding in 1620 ah an rak kal. An lak i micheu khat hna cu a kihtuk celh lo ah a thimi  zawng an um. A dam chuakmi hna nih harsatnak tampi pakchih in biakinn an sak hamsa bik i thlacamnak in Pathain sinah hika hmunah nangmah zalong tein biak kahwhnak kan pe zungzal ko tiah thla an rak cam. Khua an tlak lai poah ah thlacamnak he Pathian sinah an ap lengmang.

Hakkuahnak in akhatmi British cozah nihcun a uk thiam ko hna i Red-Indians le ramchung ral tampi an doh hnuah 1776 July 4 ah independent an phuan i phunglam ngeingai in i uknak cu an ngei k ho. An president hmasa bik cu George Washington kha a si. An phaisa hrimhrim ah “In God We Trust” tiah an tial bak ko. Civil war le independent war tampi an pal dihh hnu ah atu ah cun vawlei cung ah ram liangan bik le rum bik dirhmun tiang a phanhnak hi Pathian nih a cawisan hna caah a si. Vawlei fimnak le thiamnak a san lengmang bantuk cawisangtu Pathian philh in minunh fimthiamnak le cawisan duhnak nih minung lungthin chuangah hmunhma a vun khuar cang.

USA ahhin kan theih cio bantuk in Liberal ruahnak nih a kalpi mi party Democrat party le Conservative zumhnak nih a kalpi mi Republican party tiah pahnih an um hna. Kan bia tawi ko seh. US ah aummi bible sianginn hna le society tampi hna khi a hnulei ah Liberal pawl nih an rak control mi tampi an um caah, Pathian nih a duh lo bikmi nule nu i umh le pale pa i umhnak le nau thahnak tiang in a papek ngaimi hna nih hmunhma a vun lak tuk tikah Liberal lei nih a nai bik mum 8 an uk chungah pastor tiang in thongthlaknak an vun tong cang. An phaisa chungah an tialmi Pathian kan i bochan timi tiang hnawh a duhtu an hung chuah cang. Zumhnak lei ah an tlak tuk cang caah an power ngeihnak le an thilti khawhnak siseh an rumnak tiang in China le Russia te hna nih an vun zuamcawh than lio ah Pathian mi hna an tho than.

Biachim a thiam ngai i tuahtuannak lei ah zei asi tawn lomi politicians tampi hna le an chimning in a tuah tawn lotu ramkhel mi tampi lakah politician a si lomi Pathiam thimmi Tump a hung chuak. Khrihfa tampi an lung a faktuk cang caah chawlehnak ah mirum le milianngan Trump cu nangmah nih US hi na sersiam lo ahcun a si kho lai lo tiah thlacamnak he an va fuh i US ram sersiam ding in an fialnak cu Trump nih Pathian aw ah ruat in president tuan raungah rum i tim lo in a ngeihcia chawva hmanh US ram sersiamnak caah pe ding in a vun i thawh, an au hlapi cu “America Great Again” ti si ko. US liannhnganter than ding hin Pathian a biapi tuk.

2016 thimnak ahhin ramdang in a pemmi hna lakah minak 100 ah 88 nih Clinton an vote lio ah Trump cu 100 ah 8 lawng nih an vote ti si. 2020 ahcun Khrihfa an lung fim cang caah minak 100 ah 20 nih cun atutiang ah Trmup an vote cang lai tiah theih a si. Ramdang in mipem mi hna nih 2016 ah 100 ah 65 nih Clinton an vote i 35 lawng nih Trump an vote ti a si.

2020 ah cun ramdang in a pemmi hna lak zawng ah Trump a vote dingmi an karh ngai lai tiah an zumh. 2016 ah nu hna nih Clinton cu nu asi ruang bak ah 100 ah 53 nih an vote i Trump cu 43 nih Trump an vote ve. 2020 ahcun nu an um tilo caah Trump nih vote a hmuh chap lai tiah an ruah. A ruang cu adohmi pa hi Clinton bantuk in muidawh le biachim thiam kha a si ti lo i a awcawi ah tar holh deuh, cumpi le hnarping aw deuh a chuahmi asi caah an uar thleng lem lai ka zum lo.

2016 lio ah khan khrifa biakin a tlaihchan mi hna nih 100 ah 56 Trump an vote lioah biakinn apal bal ve lomi 100 ah 40 nih Clinton an vote ti a si. 2020 ahcun 100 ah 65 tal nih cun Trump an vote lai ti zumh a si cang. 2016 lio ahkhan biakinn ah aa khawm bak lomi biakinn cu ral zoh ah a zohmi hna nih Clinton an rak vote ngai. Arsa eikhat kan si an ti le silai cu, hi hna pawl hi cu 2020 zawngah Joe Biden a vote ding thiam khi an si ko. Biakinn kal bal lomi 100 ah 62 nih Clinton an vote i biakinn ah aa khawm bal lo nain khuahngal deuh 100 ah 31 hna vote cu Trump nih a hmuh ve ti si.

Annih pawl hi Roman Catholic pawl an si kho men. Roman catholic pawl hi an liberal ngai i Biden an vote te theu lai. A sinain khrihfa i dohnak ahcun thih an ngamh hui tung. Sihamnhsehlaw, Trump nih athim tharmi supreme court Justice, Amy Barrett ruang ah hin catholic vote zawng Trump te nih an lak ve lai ti an zumh ve. Evangelical khrihfa hna nih 2016 lio ah Trump an vote taktak ve. 100 ah 81 nih an vote caah atlin chan a si ko tiah an zumh.

Indian US ummi hna nih Trump le Indian hawikomhnak athat deuh cang caah an vote deuh cang theu lai pin ah Israel le Trump pehtlaihnak hrim cu a fehtuk caah Israel mi US ummi hna nih aa vote lai. Latino pawl vote zawng zeimaw zat an lak rih lai caah “Four more years Trump” ti si rih ko lai tiah ruahchannak ka ngei ko. Ramdangmi vote kong cu kan vun thai than te lai. a caan lio te si ko hih. Thlacamnak lawng in bawmh khawhnak kan ngei.Credit-Dr.Tuan Peng Thang

Be the first to comment

Leave a Reply

Your email address will not be published.


*