2018 ah CE nih Pastor’s Appreciation Week ah lam senior pastors te kong tlawmpal te video kan rak tuah.

2018 ah CE nih Pastor’s Appreciation Week ah lam senior pastors te kong tlawmpal te video kan rak tuah. Kan pastors te an sining tlawmpal ka rak hal hna i CE saya/mah ka tuanti hawi hna he video kan rak tuah. Thilhme te a si nain kan dihlak in lunglawmhnak mitthli a rak hai. CE department in laksawng tlawmte kan rak pek hna i kei a tahbek bik bia ka chim i ka lung a rak hno hoi. Lawmh caan hmanh ah a lunghno fawi takmi ka si. Na ruakcung hrimhrim ahcun zeitin hme kan celh lai?

Kan senior pastor min: Rev. Dr. Hai Vung Lian A chuah Ni: November 10, 1965 Favorite foods: lairawl a duh dih A hobby: Carel le catial Favorite Color: a hringmi
Favorite book in the Bible: Exodus Favorite Bible verse: Matthew 7:12 Favorite season: khuasik Favorite holiday: Christmas Cawnnak a ngeihmi: Bachelor of Art, Bachelor of Divinity, Master of Theology, PhD in Missiology

An chungkhar kan thahchunh tawnmi hna: man-da-ly te chung (An chungkhar an tarual caah mino nih kan rak auh tawn hna i nihchuak zong a rak tituk i a rak uar tuk. Amah te zong in Man-da-ly te chung ti zong ai rak ti beh).

Nizan ah a ruak ka va zoh ve. A tak ka tongh i a kik tuk. Kai zumh kho lo. Ziah hme na ihnak hmun le na inn a si lomi ah na va um? ECBC center pi cu a dam tikah sunglawi taktak in kan lut te lai kan ti, tuni ahcun amah nih a ruak in a luh pi ko lai ee. Tuni cun vawlei cung in na min hlauh a si cang lai. Pa tang cungah dai tein rak i din cang law. Rak kan dong te mu. Kan i ton than hlan tiang dam te’n mangtha kan dawt kan pa.Thih ni: April 26, 2021 By-Katie Van Zi

Be the first to comment

Leave a Reply

Your email address will not be published.


*