2016 popular vote a sung! 2018 House mid-terms a sung! 2020 Senate a sung! 2020 popular vote he electoral vote he a pahnih in a sung!

Nain, Trumpeters pawl an dai  kho lo. Trumpism (Trump’s ideology and style a zulmi le a uarmi) nih ngol an hngal hlei lo. Laimi lakah cucu an tam ngai– zeiruangah asi, timi hi ruahawk atam ko. American mipi biakhiahnak – a sunghnak – kha a cohlang duh lo. Uknak chanh kha a duh hrimhrim lo. Lam phunphun a dap, bia phunphun a kawl.

Republicans a hoi le hmanh nih: domestic terrorists, insurrectionists, seditionists le violent rioters tiah an auhmi hna a hnuzul pawl kha tor le cheng a pumh hna i U.SA Congress innpi Capitol Hill cu “storm” a tuahter ko hna. A thisen a tlok cuahmahmi  aa pummi mipi cu: “we’re going to walk down to the Capitol and we’re going to cheer on our brave senators and Congressmen and women,” tiah a mah hrim nih Capitol Hill lei choi dingin a forh hna. “Fight like Hell” tiah – Joe Biden President fehternak (certification process) kha rumro in kham dingah a mipi cu an ti khawhnak le si khawhnak zeizongte chuahin cawlcang uh, tiah a tuksawh hna.  Capitol Hill cu khuaci a mui. Thisen a chuak! Mi fanau, minung 5 an nunnak a liam.

“One of the darkest days in American History” tiah USA President-elect nih a ti. Vawleipi nih an cuanh – ai! cu reru cu dah aw! an ti. (disgraceful scenes, horrifying images)  Daihnak a duhmi hna an ngaih a chia! Democracy phung a zummi hna an thin a hung! Dingthlu Lairelnak a dirpimi hna an lung a fak!  Free and fair election le freedoms a khelmi hna an lung a rawk! Ramkip in ram hruaitu hna hmurka a tomtom in a hun chuak – shocking, furious, sad, regret, disgraceful, disturbed, embarrassed, distressed, horrible, completely wrong,  unbelievable, unacceptable, an ti.

Britain Trump timi hmanh nih, Donald Trump cu fakpiin a hun mawhchiat, “condemn” a hun tuah. “Insurrection, Coup, Sedition” timi biafang hna nih a hun zulh – rampi tapung thawhhnawh, USA cozahpi doh le nawlngeihnak rumro in chuh, aa tim tiah, an hun ti. Vawleicung Political Scientist minthang Francis Fukuyama nih “impeach again” a hun ti. Vawleicung democracy lei mithiam minthang Larry Diamond nih, WH Chief of Staff hlun John Kelly nih 25th Amendment hmang in Trump hi uknak lakpiak colh a hau, a timi kha ka hna a tla “I agree” a hun ti. Donald Trump lila nih a khanhmi biaceihbawi pawl, District Courts in Circuit Courts in Supreme Court um judges hmanh nih “me fir na timi hi a um lo ee” an ti i a tazacuainak cu voi tampi an hnawnpiak.

Aa thimmi pa USA sihni-chok (AG) Baar nih “no evidence of widespread fraud” a hun ti. Trump cozah’s Homeland Security tang buu nih tutan thimnak hi “the most secure in American history” an hun  ti. Nain, cu zong cu a pom duh hlei lo. Cu a chimmi hna tu kha: sa le ral ah aa ser colh hna. Rian in a phuah or an chuah tak. Cuticun, sunghnak a cohlan a duh lo ruang le uknak chanh a duh ti lo ruangah a phunphun in thlahnih deng aa suasampi hnuah a donghtamot ahcun Capitol Hill ah khuaci muihnak pi a hun chuahter phut ko! 

Lei khuaza in zohtlak ti loin a mual a hun pho lengah a limhang vialte zong kha a hun hloh, FB le Twitter tiang nih American President pi ngakchiate tuah khin an hun  tuah– account an on piak thulh, an khar piak thulh! Kum saupi zumhtlak tein a kamah a dirpi tawntu, Senator McConnel, Senator Lindsay Graham le VP Mike Pence tiang nih an kal tak. A party chung Republican Senators le Congressman le Congresswoman tampi zong nih an hlot, a Cabinet vuanci pahnih nih an phuah tak. Amah fialning in a tuah lomi cu sa le ral zoh in a zoh colh hna i, maisam in sam colh a duh hna, Mike Pence tiang he an ichon kho ti lo.

Khatlei a ral nih cun “nikhatte na kutah President sinak a um hmanh hi tih a nung tuk cang!” an hun ti, a rannak in avoi 2nk Impeachment tuah an hun timh cuahmah. A thinlung kalning aa mah ti lo caah nuclear code hna a hmeh phut sual lai ti tiangin an hun  phang. Sungh a cohlang kho lomi, nawlngeihnak a thlah duh ti lomi, democracy phung a dohmi, US cozah i a ral, rule of law i a ral, US institutions zei a rel lomi le a thlamlanghmi, smooth transition of power rumro in violent means in kham aa timmi, World order le rampi daihnak caah tihnung ngaimi (a very dangerous person) ah an hmuh liopi a hun si.

Cucu tulio kan dirhmun a hun si ko i Capitol Hill i US Congress pi mob-rule hmangin “attack” a tuah hnu zongah Laimi lakah “Trumpeters” tampi kan um rihmi hna le “Trumpism” zumhnak le pomning “promote” a tuahmi kan um rihmi hi cu ngaihchia zong khi asi i, rule of law le democracy phung a upatmi le a zummi hna hmaiah a mui zong khi a chia ngaingai. Comment sau tak  Salai vanlianthang comment mi ka share mi si!Credit to original post

Be the first to comment

Leave a Reply

Your email address will not be published.


*