2008 Phunghrampi le President Thimnak

Kawlrampi uktu Vice-President, H Van Thio nih 2020 thimnak ah teinak hmu sehlaw, Vice-President rian a pehthan kho lai maw? Cun adang President le Vice-President pawl nih teh an rian an pehthan kho lai maw?

2008 Phunghrampi Article 61: A.B.C 61:A – Ram pumpi President le Vice-President rian an tuan caan cu kum 5 a si lai 61:B – An tuan liomi caan a dih hnu President le Vice-President thar an thim dih hlan tiang an tuan lai.61:C – President le vice
President rian cu caan 2 cung tuannak nawl an ngei lo

Fiangternak: Term 2, kum 10 cung tuan khawh a si lo tinak a si. Asinain, kapkhap lei in kan chim ahcun kum 10, term 2 tiang cu pehkhawh a si tinak a si.

Acung ( C) nak zawn te khi a biapi tukmi a si. Caan 2, kum 10 tiang term 2, 10 year tiang President le Vice-President hna nih, kum 5 chung an tuan liomi rian cu 2020 thimnak ah teinak an hmuh than rih a si ahcun, an rian cu kum 5 an va pehthan rih khawh tinak a si. Cun President le Vice-President cozah official timeline ah aa tial rihmi cu, rian tuan caan a sau: kum 5 a si i, voikhat pehthanrih khawh tiah aa tial. Term length: Five years, renewable once tiah aa tial.

Asinain rampumpi thimnak ah teinak an hmu ti lo asi ahcun President a siah, Vice-President an siah an rian cu pehthan khawh a si ti lo.Cucaah Chin mipi dihlak nih Vice-President H. Van Thio hi mee kan pek i teinak a hmuhthan i dam tein a um ko a si ahcun Vice-President rian cu a pehthan kho.

Kawlram ah milu 54.4 million an um i, zatuak 88% cu Buddhist an si. Cu chungin Pathian nih Kawlrampi hruaitu ding caah Khrihfa ( Christian) a si mi Chinmi, Vice-President, H Van Thio rampumpi hruaitu caah a kan thlahpiak hi i lawm hna usihlaw kan umnak cio in thlacampiak cio hna usih!

Important Notice: Chin ram ah Khrihfa a simi paohpaoh nih Vice-President, H Van Thio cu, thlacampiaknak in le 2020 thimnak (election) ah mee ape kho paoh nih mee peknak in á¹­anpi cio hna usih! Careltu dihlak cungah lawmhnak tampi he,
Credit-Pa Hen Thang

Be the first to comment

Leave a Reply

Your email address will not be published.


*