1917, October 30 zan ah Sakta khua ah Hakha, Zokhua le Senthang upa hna cu ramkhel kong ah harsatnak le lawmh caan ah hmunkhat tein kan tang ti

  1. 1917, October 30 zan ah Sakta khua ah Hakha, Zokhua le Senthang upa hna cu ramkhel kong ah harsatnak le lawmh caan ah hmunkhat tein kan tang ti lai ti khua khannak an rak ngeih hlan 1888 kum ah hin Zotung le Senthang cu Senthangram Khuapi khua ah hmunkhat tein kan tang ti lai ti biachahnak an rak ngei cang ti a si. (A cung lei tuanbia hi Khuapi khua mi tleih cia Pu Tluang Hnin (Eng Sui pa)nih a ka chimh mi a si.
  1. Zophei le Senthang: 1990, May 27 Kawlram thimnak ( General Election) lio ah Zophei lei in Pu Lian Uk cu Independent in Hakha ah MP a rak i cuh i Senthang le Zophei cu “Pu le Tu kan si” tiah a rak ti mi biafang pakhat nih Senthang mipi thinlung a rak lak tuk caah Senthang mipi nih Pu Lian Uk cu MP a tlinnak dingah mee peknak in an rak tanpi (Kan pa Pu Lian Uk hi Senthang le Zophei karlak ah i tleihchannak le dawtnak thlaici a tuh tu a si ti u sihlaw kan palh men lai lo). A hnu bik kawlram thimnak 2020 zongah Zophei lei in kan pa le Pu Tial Ling le Pu Siang Mang (Senthang + Zophei) zong Hakha ah MP an ni cuh tik ah an mee kuang bia pi bik cu Hakha Senthang ummi hna le Senthangram chung um mi hna hi an si thiamthiam.
  2. Burmaram deihnak ding caah kan pu pa hna nih February, 12, 1947 lio ah Panglong Agreement min an rak thutnak tuanbia kan philh lo bantukin Chin mi hna nih dawtnak le unau khat kan sinak Kan pu pa hna biakamnak tuanbia hi Chin Gen-Z (Chin mino) pawl nih a takin langhter can kan phan.

“Pasal ka biakam le ka tlahtem” ti kan pu pa hna bia roling a rak um bantukin Chin miphun le Chinram dawtu vialte hna nih kutsih in dawtnak he lungthinkhat tein tan tinak thazang thawnnak kan ngeih khawh nak hnga kan biakmi Khuazing Pathian nih kan bawm hram ko seh.Crd-Thawng Cin Mang

Be the first to comment

Leave a Reply

Your email address will not be published.


*