๐™๐ฎ๐ง๐ ๐ค๐š๐ข ๐‘๐ข๐ก ๐Œ๐ข ๐•๐ข๐š๐ฅ๐ญ๐ž ๐‡๐ง๐š ๐™๐ฎ๐ง๐  ๐Š๐š๐ข ๐‹๐จ๐ข๐ง ๐‚๐ƒ๐Œ ๐Š๐š๐ง ๐“๐ฎ๐š๐ก๐ฉ๐ข ๐‚๐š๐ง๐  ๐”

Nihin kan ram cu thisen tamtuk a luang, mitthli tamtuk a luang, thlanti tam tuk a luang, kan ngaih a chia nain kan lung a dong lo. Ruahchannak kan ngei ko. Kan fale caah nunnak pek hi kan ttih bak lo, nain zungrian ttuantu pawl nan kan zoh sawhsawh rih ko lai maw. Na ram le na miphun ttah aihramnak hi na zoh ah na lung a ttha rih ko maw? Thaizing ahcun nan hmai hmuh kan in duh ko hna, ra ulaw kan thilrit hi kan phorh pi ve u. CDM, CDM, CDM. โ€“ ๐‘๐ž๐ฏ. ๐“๐ก๐š๐ฐ๐ง๐  ๐‡๐ฅ๐ž๐ข ๐“๐ก๐š๐ง๐ 

Saya Thawngpaa hi Norway a um lio ah kan Pastor a si bal ve. A cung i, a chimmi bia na rel ah, na mitthli maw a ha dih lai, na hacang dek naa rial deuh lai. Ngaih a chia hringhran. Mitthli le thisen he kan miphun hawi tampi cu nihin ah minung tampi hliamhma an pu i, nihin lawnglawng ah minung 28 nih an kan liam tak hna. Lung a faak kho taktak. Kan ruah ah kan celh hrimhrim lo.

Laitlang ah um ve ning law, a zaam mi ah maw kaa tel hnga, aa thup mi ah maw kaa tel hnga, CDM a tuah duh lomi ah maw kaa tel hnga, ralttha tein ram le miphun caah dah sandah piah le zeidang ah thazaang a chuahmi ah dek kaa tel ve hnga ti hi ka ruat tawn. Pasal ttha zong ka si kho, mi ralchia zong ka si kho i, miphun ngaihchiat tertu zong ka si kho men. Ka ruah ning ahcun hawi nak in ka ti khawh lo hmanh ah hawi tluk tal cun kaa tel ve hrimhrim, ka cawlcang ve hrimhrim lai ti hi ka lungput a si. Lungfim le miphun dawt ko ahcun tthut sawhsawh awk a ttha hnga lo. Hawi minung sin tal ahcun kaa tel ve hrimhrim lai.

Ramleng in cun thla kan in cam piak hna, chawva kan si khawh tawk cio in kan pek, duh lonak kan langhter, kan umnak ram mi cio sinah kan chim, kan social media ah kan share cio. Kan lung a fak. Kan ttap. Bawipa kan au. Asinain kan miphun hawi cu mitthli he zan hngilh loin an um. An thlanti a luang. Hliamhma an pu. An thisen a luang. Ramleng um hmanh mah tluk kan lungretheih le kan i nuamh lo ahcun kan miphun hawi hi zeidah an lawh hnga kan ti.

Cheukhat cu duh lonak an langhter i, zanlei inn ah an ttin tthan hna. Cheukhat cu inn ttin ngam tilo in, an i thup i, an zaam hna. Kuan le thir neh he siizung ah an phan hna. Cheukhat cu thonginn lei an panh hna. Cheukhat cu inn a ttin kho tilo mi tampi an um cang. Innchungkhar sin an phan kho tilo. Kan ram a ttha lai i, innchungkhar ah nuam tein kan um lai, cu kan tuah lai, kha kan tuah lai tiah chunmang ttha ttha innchungkhar ah a ngeimi an si hna. Sihmanhsehlaw an caah inn ttin lam a um tilo. An nunnak pek in Kawlram an dawt. Kan upat tuk hna. Anmah cu an um ti lo nain an tuanbia cu mipi lungthin chungah a thi ti lai lo.

Ralkap uknak ah kan luh tthan ahcun tulio ah ralkap lei ah a ttangmi, duh lonak a langhter ngam lomi le zung a kaimi pawl zong kan luat hlei lai lo. Ralkap le palek kut in kan luat hlei lai lo. Miphun lungthin chung zongah kan luat hlei lai lo. Cucaah ram chung, ram leng in kan au lengmang bang CDM ah hin i tel ko hna usih. Lunghrinnak ngei hlah u. Kan tei hrimhrim ko lai. Ram leng zong in thlacamnak, duh lonak langhternak, chawva, Sharing tuah le cozah sin chimnak in heh tiah kan i zuam ko hna hih. Saya Thawngpaa bia in ka bia ka donghter ahcun, “Na ram le na miphun ttah aihramnak hi na zoh ah na lung a ttha rih ko maw? Thaizing ahcun nan hmai hmuh kan in duh ko hna, ra ulaw kan thilrit hi kan phorh pi ve u. CDM, CDM, CDMยด Kan lamcaan har hmanh seh, Pathian nih teinak a kan pek ko lai. แ€กแ€›แ€ฑแ€ธแ€แ€ฑแ€ฌแ€บแ€•แ€ฏแ€ถแ€กแ€ฑแ€ฌแ€„แ€บแ€›แ€™แ€Šแ€บแ‹ Quote Crd: Saya Thawngpaa fb
Credit-Mang Bawi Lian

Be the first to comment

Leave a Reply

Your email address will not be published.


*