𝐋𝐚𝐤𝐬𝐚𝐰𝐧𝐠 𝐊𝐚𝐧 𝐃𝐮𝐡 𝐥𝐨, 𝐃𝐞𝐦𝐨𝐜𝐫𝐚𝐜𝐲, 𝐅𝐞𝐝𝐞𝐫𝐚𝐥 𝐃𝐞𝐦𝐞𝐜𝐫𝐚𝐜𝐲 𝐊𝐚𝐧 𝐃𝐮𝐡

Salai Lai Ram Thang nih CDM Myanmar 2021 hi BML nak in Noble Peace Prize an i tlak deuh e a ti. Ka lungtling tuk. BLM cu 2 billions leng man thil an hrawh. Thil an fir, mei an duah, lam, inn, dawr tam tuk an hrawh, palek tampi an nunnak liam. Nain Taluk a tthawn tuk caah Democrats pawl le vawleicung pi rian a fial khawh dih hna. Republicans pawl cu an si lo, very peaceful an si. A donghnak Jan 6 lawng kha Trump supporter pawl an i tel.

Mah zong cu video le hmanthlak pawl Fake News nih a cawk hna. A hrampi an coih thluahmah lio, a phichuak colh lai. A donghnak ahcun Nancy Pelosi hi Myint Aung Hlaing bang an tlaih te lai tiah an ruah. An nunning pakhat hmanh aa ningcang lo. Ni 45 an kal chungah zei hmanh an tuah kho lo. Executive Order pawl a sign lawng a si ko. A sing mi hmanh a cingkeng kho dih lo. Biden zong anmah Democrats lila nih an upat tilo i, a lungdong tuk. Press Conference hmanh a tuah ngam tilo. Covid zong a lam ka theih tuk a ti, ka thei bak ve lo a ti tthan cang. Liberal cu vawleicung ah an tthawn tuk ve caah Noble Peace laksawng tiang hmanh ah nominate hna. Nain an ngah lai tiah an zum hna lo.Ka kaa thaw sual. Joseph Thawng Za Ting podcast tu kha nikhat ah voihnih lengmang US News le World News a chim peng i, zoh te u.

BLM pawl sining tuak ahcun Kawlram Protesters pawl cu non-violent kan si. Mah tluk hin Democrats pawl tuah hna sehlaw, Antifa le BLM pawl chun le zan in an buai zungzal lai. Kannih Kawlram cu Tear Gas in an kan kah zongah, meithal le rubber in an kan kah hmanh ah kan i in i, kan i thihpi. Noble Peace prize hi kan phu tuk. Asinain tu ahcun zei laksawng hmanh kan herh lo fawh. Democracy le Federal Democracy lawng kan herh. Atu belte cu R2P an tuah cang. Federal Army zong kan hau cang lai. Ramdang an kan tlangtlak khawhnak hnga tlangcung hriamtlai kan i fonh cang lai. Nain kanmah tein kan tei ko lai tiah ka zumh.

Ralkap nih nawlngeihnak an lak ka in mipi le tlangcung hriamtlai lawnglawng ka zumh hna ee ka rak ti tawn. Mah cu mi tampi nih an zumh cio ve. Asinain Biden a uarmi pawl nih US an i bochan tuk ziar. Nihin ahcun an zum ve tilo. US nak in UN cingcing an si deuh te lai. UN member kan si man tal an kan tlangtlak lo ahcun kan zum ti hna lai lo. US ka zumh lonak hna cu midang chimnak le ttialnak in ka zumh hna lo khi si loin Biden (Democrats) le Taluk an i pehtlaih ning US Politics thla (4) chung News ka zawnnak in ka fiang ngaingai. 

A tlangpi cun vawleicung ram pawl hi anmah cio tein Democracy ram ah an ser cio hna. Bawmh chom in ser piakmi cu chim awk a tlak lo. Kanmah Kawlram zong kanmah tein kan ngah ve cang lai. Terrorists (ralkap) nih Fighter le Chemical an hman tu ahcun UN ralkap nih an kan bawmh te lai.

Tlangcung hriamtlai i bawm hna sehlaw ti hi Lai tuak in hopoh nih rak tuak mi le rak chim cio mi a si tawn. Lam dang an kawl lengmang nain a um hlei lo. Lai tuak in kan rak tuak mi ttheo ah kan kir than. Bawipa nih teinak kan pe hram ko seh.Credit-Mang Bawi Lian

Be the first to comment

Leave a Reply

Your email address will not be published.


*