๐Š๐š๐ซ๐ž๐ง๐ง๐ข ๐ค๐š๐ง ๐ฎ๐ง๐š๐ฎ ๐œ๐ก๐ฎ๐ง๐ ๐ค๐ก๐š๐ซ 300 ๐œ๐š๐š๐ก

Karenni ramkulh(Kayah State) hi voi 2 ka phan bal. An ralbawizik U Tun kyaw sawmnak in a rak si i mino hna caah football tournament kan rak tuah.

Rangoon Christian Football Association president kan tฬฃuan lioah kan rak sawm bal ve i, kan khual lian a rak si bal.

Kanmah Laimi bantukin Karenni kan unau hi Midai, Mithintlung tluang, mi nehsawh a duh lomi le mi nih nehsawh aa fahsak takmi an si.

Tutan dothlennak ah an ram nih a tuar ngai i, mipi nih harsatnak an ton lio caan ah ei le din a chambaumi tar le hngakchia chungkhar 300 caah tiin ei le din (CRT, TGM le Thawng Tha foundation) in kan kuat khawh mi hna cungah lawmh a um tuk.

Karenni miphun Pathian nih in venghim hram ko hna seh, an pupa chan in an rak duh cemmi luatnak cu hmu hram ko hna seh.By-๐“๐ก๐š๐ฐ๐ง๐  ๐“๐ก๐š ๐“๐ก๐š๐ง๐ 

Israel ralkap 30 sin ah Pathian riantuan ning a mak tuk.Nai May 21 zing ah Israel ralkap 30 tluk cu motor pakhat in Gaza ramri lei ah an kal. Ral an ngia.

Cu ti Gaza ramri an um lio ko ah cun Hamas ralhrang pawl nih Missile bak in an kah hna i Israel ralkap hna an motor zong a kaang dih.

Palestine news pawl le anmah Hamas lei nih cun Israel ralkap zong an thi len tiah an phuan.

Sinain The Jerusalem post le KAN News nih cun Israel ralkap an himnak an langhter.

Zeitindah an him ning a si ti cun Hamas nih an kah hna lio ah hin Israel ralkap pawl motor cungah an um lo.

Bus mawngtu telh in Israel ralkap pawl cu chikhat an i din i an tum hna. Pawngkam khua an cuanh lio ah an kah hna hi a si. An motor tu cu a man dih. Nain anmah tu cu an him.

Bus mawngtu pa nih a chimmi cu. ..mah hi miracle bak a si. Pathian thawnnak si ko. Second tlawmpal te tlai usi law kan thi dih hnga. Chikhat kan i din i leng ka chuak dih khua kan cuanh lio ah an kan kah hi a si. Israel ralkap 30 Bus in ka phorh hna tiah a ti.

Amak tuk. Israel Pathian a ngu bal lomi nih a umpi taktak hna tihi fiang tuk in tutan Israel le Gaza dohnak ah hmuh khawh a si. Arab ram pawl nih an doh peng nain ram hmete Israel an tei kho lo. Pathian venmi ram le miphun an sinak a lang. Vawlei a hmunh chung an tei lai lo.Ref. kingdomministry, the jerusalempost.
Credit-Tluang Ceu Thang

Be the first to comment

Leave a Reply

Your email address will not be published.


*