𝐂𝐡𝐢𝐧 𝐦𝐢𝐩𝐡𝐮𝐧 𝐜𝐚𝐰𝐢𝐬𝐚𝐧 𝐭𝐞𝐫 𝐭𝐡𝐚𝐧 𝐝𝐢𝐧𝐠𝐚𝐡 𝐕𝐢𝐜𝐞 𝐏𝐫𝐞𝐬𝐢𝐝𝐞𝐧𝐭 𝐇𝐞𝐧𝐫𝐲 𝐕𝐚𝐧 𝐓𝐡𝐢𝐨 𝐕𝐨𝐭𝐞 𝐩𝐞𝐤 𝐭𝐡𝐚𝐧 𝐝𝐢𝐧𝐠 𝐚 𝐡𝐞𝐫𝐡

Mizoram lei in Pathian nih a ka fial tiah ai ti mi profet cu 1980 hrawng (a kum tak ka theih lo) Tikir khua a rak ra i mah khua hin arfi lian pi a dir. Nan khua hin Lairam sersiamtu a chuak lai tiah a rak ti hna. Mah lio hrawng cu Tikir khua cu hlim nih a rak tlunh dih ka hrawng hna a si tiah an chim. Asinain, an zumh kho tuk lem lo an ti.

Khawi ka hmun a kalnak paoh ah tangdor nun a ngei i Pathian kan theih ahcun ding le fal tein thut dir ding, tha thut lo ding, fak piin teima uh tiah mi a cawnpiak mi – hringtu a nu cu Pathian ai hruh pi caah a khua mi Tikir hmanh nih a molh cang an ti mi chung in a fapa cu Pathian nih Thantlang peng miphun hawi hna hmang in Chin ram lawng siloin Kawlram pumpi uknak thutdenh sangbik chang – Vice President pahnihnak a phan. Kawlram lawng siloin vawilei pi tiang a hninh. Cikhat te atlawnnak Australia a cam chung hmanh ah a caan sunglawi kha Chin ram ca ah a herh lai tiah a ruah mi pawl biatak tein a hlet. Farm ah a kal. He tiah Australia farm an tuah ning a hlethlai. Mah tluk cun din loin khua a ruat le a tuan mi a si.

Khrihfa a nun kha fek thup in ai tleih i Bohdah biaknak in a khat mi Kawlram hruaitu hna inn tual chungah a biakmi a Pathian cu a cawisan. A thangthat. A sunhlawih. Zei tluk in dek Pathian ai lomh hnga mu!

Ralkap le miphun dang hna nih zei rel lo ngai in a rian hi a tuan kho te hnga maw ti mit in thep loin an zoh le an ngiar cuahmah buin kawlram pi hruai dingah Chin miphun hi ready kan si ko. Kan fimthiamnak nih a tlinh ko ti kha a biak Pathian hmang in a langhter khawh.

Cucaah, aluancia mi kum 4 chungah fak piin Chin miphun a kan cawisan bantuk in thaizing thimnak zongah cawisang than hna uh sih. Pathian nih mi kip paoh hruaitu ah a thim hna lo. Vice President Henry Van Thio tuanbia dawi ahcun aluancia kum 30 leng tluk hrawng in Pathian biaphuan a rak um cang mi hi theih awk tha ngai a si. Dinnak nih miphun a lianh ngan ter.Credit-Sang Hre

Be the first to comment

Leave a Reply

Your email address will not be published.


*