Ṭafar hna biaruah le dawtnak ngan bik “Ka u, meithal ka tlai ve cang ko lai!”

Ṭafar hna biaruah le dawtnak ngan bik “Ka u, meithal ka tlai ve cang ko lai!”

“Ka ṭa, ka pa hi a tar tuk cang, ka nu nih le a dam fawn lo, na kaltaak hna ahcun zei tin, a sian zong kan in sian ṭung lo i”

“Ka u, Kawlram ralkap uknak tang ah nunnak a liammi mino hna khi an chungkhar le hawikom nih an sian nenmam ve ṭung hna lo”

A u cu a ṭa bia lehṭhannak biafang a ngei ti lo.Ṭafar hna bia ka theih cu bible cacang cangkhat ka lung ah a hung chuak. A biafang fangkhat hnu fangkhat duhsah tein awchuak in ka rel i a sullam ka ruat:

“Mi nih a hawile caah dawtnak ngan bik a ngeih khawhmi cu an ca i a nunnak pek hi a si”

Jesuh zong nih a hawile caah dawtnak ngan bik a pek.Kan pupa hna zong nih Japan ral le Mirang ral lio ah khan an hawile caah dawtnak ngan bik an rak pek.

A tu kan chan zong ah, a par tik ah zei tluk in dah aa dawh lai tiah hngahhlang ngai in zohthlami pangpar mom mino hna nih an hawile caah dawtnak ngan bik an pek.

Hmailei zong ah an pek rih ko lai. An hawile zong nih DAWTNAK NGAN BIK tizuu thlum cu LUATNAK PANGPAR DUM chung ah an dawp ve te hrim hrim lai.

(Hawile caah DAWTNAK NGAN BIK a petu vialte hna le mi ṭha lo hna ruang ah mah khuaram chung lila ah ralzam in a ummi khua mi vialte philhlonak ah!)A Ruang 06/06/2021

Be the first to comment

Leave a Reply

Your email address will not be published.


*